Te Matenga o Eparaima Matiu Kapa.
Ki a Te Korimako. E manu tukua atu nga kupu aroha nei mo te matenga o Eparaima Kapa, no te 25 o Hurae nei ka hemo i a ka mahue i a ia tenei ao raruraru ka haere ia kite kainga okioki o nga tamariki a Te Atua no te 28 o Hurae ka nehua e Rev. H. P. Taua ki Kaikohe nei, he tamaiti i a i noho kite kura i Tipene, Akarana, ka tae tenei te ono ona tau ki taua kura ka pangia ia e te mate ki reira. He nui noa atu tona mohio ki nga tini matauranga Pakeha. Kua roa ia e pangia ana e te mate ka whakahokia ki ona matua ki Kaikohe. Here noa nga matua ki nga rongoa ki nga rata nohea i matutu a mate noa. Ka tata tenei te 16 ona tau ka mate ia. He tamaiti ia i arohaina nuitia e ona matua me o raua iwi o Ngapuhi nei. He tamaiti waimarie hoki ia i nga ra o tona oranga, kite titiro a ona iwi. I pataia hoki ia e Rev. H. P. Taua i mua i tona hemonga ki te huarahi mona ki tonu mai ko Te Karaiti te huarahi te pono mete ora. I te aonga ake o te ra i hemo ai ka huihui mai nga tamariki o te kura i Kaikohe ki te tangi ki to ratou hoa o to ratou nonohitanga hoa mahi tahi hoki i te mahi kura. Ka mutu ta ratou tangi he Waiata Pakeha aroha muri iho ka whakatika a Hori Pou kite panui i ta ratou pukapuka poroporoaki. Koia nei nga kupu. He kupu poroporoaki na matou-ki to matou I hoa kia Eparaima Kapa. Tena I koe i te mate ka nui rawa to matou aroha kia koe mo te wehenga atu o tou tinana i a matou ko tou Wairua kua tangoma e te Ariki kite rangi kite okioki ka nui rawa to matou I aroha kia koe ki to matou hoa | mahi tahi i te mahi kura ko te I a ra ia mo te pai, mo te tinana, I jao te ora, mo te Wairua. Nau 'i te nei mahi i momua he muri nei Eaatou waiho ana to mahi kia
matou haere ana koe kite okiokinga mutunga kore. Heoi ano na o hoa Hori Pou, Wiremu Erueti, Ihaia Pera, na te kura katoa o Kaikohe. I muri ka wkakatika atu a Eev. Matiu Kapa, Eev. H. P. Taua, kite whakapai atu ki nga tamariki mo te pai ota ratou mahi. Ite ra i nehua ai tukua ana ma nga tamariki kura anake e hapai ki te nehunga. Heoi ano. Na Matiu Kapa. Kaikohe, Hurae 31, 1883.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18830815.2.9
Bibliographic details
Ngā taipitopito pukapuka
Korimako, Issue 18, 15 August 1883, Page 3
Word count
Tapeke kupu
457Te Matenga o Eparaima Matiu Kapa. Korimako, Issue 18, 15 August 1883, Page 3
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in