Te Taumanakohanga kei Mangakahia.
Ki a Te Korimako. Tena koe! Tukua atu nga kupu nei hei titiro ma nga hoa. No te 9 o nga ra o Mei, 1883. Ka noho he hui nui ki Mangakahia 217 nga tangata i taua hui. Nga take o te hui he pehi i te waipiro ki Mangakahia me ona rohe katoa. He whakatupu i te whakapono ki Te Atua. I roto i nga tau maha kua pahure kei te mohio nga iwi o raro nei ko te iwi o Mangakahia he iwi nanakia rawa atu kite inu i te kai nei i te waipiro. I te tau 1881 me 1882, kua timata o ratou ngakau te whawha i nga take e pangia nei ratou e nga tini raruraru mete maha o nga mea whakapouri ngakau. Tae rawa ake kite tau 1883. Kua kite o ratou ngakau he tika nga kupu ko te waipiro te matua o nga mahi poke katoa. Ka tahi ratou ka whakaaro kia manakohia nga kupu e karanga nei te hunga mahara i nga tau maha: whakakorea, whakakorea te waipiro he mate kei muri mo koutou, kihai i whakapono mai. No naianei ka whakaaro he tiki aua kupu ka mahara kia whakamana au korero he mea hua taua ingoa kite whare koia tenei Tamanakohanga, o nga kupu whakakore i te waipiro. I hanga taua whare hei kainga i te hakari marena o a ratou tamariki, 44 puta te roa, 20 putu te nui, 15 putu te ikeike, 10 putu te ikeike, o nga
patu he wharepapa kahore he ruma. I noho te hui ki taua whare:— NGA TIKANGA I OTI 0 TE HUI. (1) Whakakore i te waipiro ki Mangakahia ahakoa Maori, Hawhekaihe, Pakeha ranei, ahakoa hoko raihana, hoko pokanoa ranei i te waipiro, ka whakorea i runga i te ture whakakore waipiro a te Paramete mo te iwi e hiahia kia kore he waipiro ki a ratou takiwa. (2) Engari nga mea e kiia ana e nga kai titiro mate kei etahi o aua mea he rongoa e ora ai. (3) Nga manuhiri nga matenga tupapaku me era atu tikanga ka whakakorea katoatia. Ko nga tangata e 21J na ratou i whakaae tenei tikanga 19 tangata i whiriwhiria hei komiti tiaki i taua tikanga. Hoi ka tata tenei kei te 10 tau ahau e mahi minita ana ki reira he wa ano ka puta he ngakau ora he wa ano, he ngakau pouri. Hoi e hari ana ahau na te mea kua whakahihikotia nga ngakau kia tahuri kite huarahi, kite pai, e ora ai ratou kite mea ka u ta ratou whakaaro. Na Matiu Kapa. Mangakahia, Hurae 19, 1883.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18830815.2.10
Bibliographic details
Ngā taipitopito pukapuka
Korimako, Issue 18, 15 August 1883, Page 3
Word count
Tapeke kupu
440Te Taumanakohanga kei Mangakahia. Korimako, Issue 18, 15 August 1883, Page 3
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in