Ki a Te Korimako.

Korimako, Issue 15, 15 May 1883, Page 3

Ki a Te Korimako.

E hoa aroha mai koe kite tuku atu i enei kupu hei haringa atu mate manu naka ma Te Korimako ki runga i ona parirau ki nga wahi e rerengia nei eia. Ara koia tenei he kupu whakaatu atu. I te nohoanga o tehui ki Motakotako, wahi o Aotea, ia Maehe 12, 1883. Ko te take o tenei huihuinga, he *huihuinga na nga taugata o te Hahi Weteriana. Ko nga hapu i hui ki taua huinga ko Ngatimahanga, Ngatihourua, Ngatimaimu, ko Ngatihaua, nga rangatira ko Hemi Matini Te Awaitaia, ko Wiremu Nero Te Awaitaia, ko te Wharemana, ko Tauhinga, ko te Whareroa, ko

Parihi, ko Whareiaia, me nga rangatira taitamariki maha noaiho te ingoa o taua hui he (quarterly meeting) no te hahi. Ko nga Minita i huihui ki reira ara i tae atn, ko Wiremu Tereti,, W. Slade, ko Hauraki Paora, e 80 tangata kite whakaaro iho i te hui ki taua huihuinga. I te karakia o te ata o te ratapu ia te Key. H. Paora, te karakia me kauwhau i te rongopai a Hoani 9 xxy. I te mutunga o te kauwhau ka whakatika a te Whareroa Te Tuari o taua kainga kite Kohikohi puta ake e £2 13s. lid. I te karakia o te ahiahi ia te Rev. H. Paora ano te kupu ia. Karatia tuatahi 4 i. I te mane ka turia ko te korero. Na Rev. Wiremu Tereti te whai korero tuatahi ko te Whakahaerenga i nga monita me nga tuari o nga takiwa i roto i te hakete (circuit):—No Waitetuna, tokowha nga monita, me nga tuari no te Makaka, Aotea, tokorua nga monita kotahi tuari; no Whaingaroa, tokorua monita kotahi tuari; no Rakarana, kotahi monita, kahore he tuari. Ka mutu ta Tereti nei korero; ka tahi ka timata ko te korero mo nga moni e kohia ana e nga iwi hei oranga mo te minita Maori e minita ana ki waenganui ki nga Maori i penei te whakaaro o nga tangata, ma te komiti te tahi wahi o te oranga ma ratou tetahi wahi o te oranga, ko ta te komiti nei oranga e .£SO a ma ratou kia rima ano hoki tekau. Ka whakahokia atu e Tereti e te minita Pakeha e kore e pai engari ko nga moni katoa e kohia ana e koutou ki roto mate komiti heoi ano te oranga mo to koutou minita e £SO i runga i tenei kupu he nui ano nga tautohetohe & nga tangata. Kamea e tahi o nga tuari mehemea ka pena tonu ka whakamutua to matou nei tuaritanga. Engari mehemea ma to tatou nei minita ano a tatou'nei e kohekohi, nei tatou ka tahi ka pai. A he nui ano te whaka moemiti oku o Hauraki ki taku kitenga ano i te ngakau hihiko o nga taitamariki me nga kau-

matua o tenei iwi e noho nei e mahi minita nei ahau heoi i te mea ka tino nui haere te tau tohetohe mo nga moni e kohia ana ka tahi a te Rev. H. Paora ka whaka tika ka mea. E hoa ma, whakarongo mai ki taku kupu waiho ano i tenei kua rongo nei koutou ara tatou katoa me tuku te moni ki ringa o te komiti i ta koutou whakaaro e whakaaro nei e hara taua oranga i te moni nui maku. Taihoa ka whai hui ahau i te wa e homai ai e te Atua. Kaore taua moni e nui koia to ratou whakaaro i mea ai me tapiri e ratou he oranga mokuki nga kohikohinga e kohia nei. No reira ahau ka mea atu e pai ana nana ahau ka mate, e mate ana i runga i ta nga kaumatua i whakaritea mai ai engari ko koutou kia tika. No reira pai tonu te ingoa pai mo koutou taku tenei i mea ai ahau kaua koutou e ngakau kore kite mea i tenei kua meingatia nei e koutou ko to ratou wehi ko ratou kei whakarerea e ahau a runga i te iti o taku oranga. I te mutunga o etahi o enei korero ka whakatika ko te Rev. Hauraki Paora kite korero i te ripoata (report) o nga kohikohinga e tenei koata kua pahure ake nei hui katoa nga moni i kohia e £9 6s. 4d. I kohia e Ngatitamainu.mo te wharekarakia ki Whaingaroa, £5 9s. lid. Naku na Hauraki enei kupu. E hoa ma he nui ano taku ngakau aroha ki taku kitenga i tenei iwi e ahua whai whakaaro mai ana kite hoki ki runga ki nga mahi pai, mete whakama ano o toku hinengaro mo te ingoa o nga kaumatua o te rongopai era ngona ana. Ko ratou te hunga i arahina ai te kai whakangaro. Koia taku kupu nei hei whakahe mai ma te tangata he mea he ano te tahuri o nga kai whakato kite whakahe i te hunga i whaka tokia ai te pai e ratou. Ara koia tenei e rongo nei ahau na i naianei ko taua kupu ano te nua e mauria ana. e te Ngutu-o-te-tangata. Ina hoki te kupu tono, "Haere koutou kauwhatiate

rongopai lrnria i runga i te ingoa o te matua, o te tamaiti, o te wairua tapu." Kaore atu he kupu rere ke i roto i tenei kupu a te Ariki. Koia taku inoi i roto i toku ngakau aroha mo nga tangata. Kia tahuri mai ano kite pono. Ki te pai to tatou Ariki. Nana enei mea i whakamarama. Heoi nei na to hoa, Na Hauraki Paora.

Ki a Te Korimako. I TE tau 1099 i whawhaitia e tetehi ope, ko te ingoa o tenei ope, he Kuruheita (Crusaders). Ko aua tangata i tuku noa i ratou tonu, kite whawhai, kite hoariri. Kua riro nei ia ratou a Hiruharama. He kupu no Ingarangi (England) i naianei whakaatu mai i tetehi ope. Me hua pea lie Kuruheita e pakanga ana ki tetehi hoa riri nui atu i to mua pakanga he maha nga pahoro o taua iwi nei. Kua puaki he kupu whakapai a te Kuini mo te kaha o tenei ope tangata. He mano, he mano, e whawhai ana ki taua hoariri nei tona ingoa he waipiro. Ko nga Kuruheita o mua whakamaua ai kite tohu. Kia mohiotia ai o ratou ake hoa. Na he tohu hoki to nga Kuruheita o Ingaranga kia mohiotia ai ratou e a ratou nei hoa, ko taua tohu nei, he ripine puru. Kua whiti mai taua hoa riri a te waipiro ki Niu Tireni. Tera ano nga Maori o mua kaore i tutu. I whakatapu i te ratapu. Engari i naianei e whakanoa ana te rata, pu. He maha atu nga mea tutu e mahia ana. Ko te waipiro te take i mahia ai enei mea kino katoa. Me whakaara ra pea he Kuruheita, hei pehi i taua hoariri. Tuhia o koutou ingoa e hoa ma, hei whakauru i a koutou Td tenei ope; kia kaha ai kia ora ai koutou. "WTiakamoua te ripine puru, he tohu ataahua ia mo tenei malii nui. Whakamoua te ripine puru kia kitea ai he tino hiat ia tou kite mahi i te tika. Whaiamoua te ripine puru hei whakamahara tonu ia koe, kite mahi. (Tirohia, nga tauanga 15, upoko zcxxvii.-xxxix. nga rarangi.) A

he whakahaha hoki i akoe i nga mano whakawainga, he tohn hoki taua ripine nei ino te whakatuakanatanga. Ka ratou hoki e mou ana i taua tohu e hui tahi ana kite whawhai ki taua hoa kite waipiro. Whakamoua te ripine puru ma reira ka mohiotia ai ehara koe i te kuare kite hoko waipiro whakamate i a koutou, e whakapou ana hoki i nga whenua, e kai ana i te moni hei utu mo te kai ma nga tamariki, e whakaiwikore ana ia koe; a he hara nui hoki ki a te Atua. A. Peaparata, Roto Tarawera.

Ki a Te Korimako. E koro, tena koe! Kua kite ahau i te tangi i roto i Te Korimako mo Te No. Kai te pouri tahi te ngakau e noho nei ki to tatou hoa rangatira ki a Te No. Nui atu te pouri o te wairaa, heoi te pai, ko te ata tangohanga ate Kai-hanga i a ia. E koro, e taea teaha. Eki ana te Karaipiture, "na te Atua i tuku mai, na te Atua i tango atu." Haere atu ra! Kite kainga i o tatou tupuna me o tatou matua, me o tatou hoa rangatira kua, wehea atu na koutou ki kona. I haere pai koutou, waiho te maharahara ki nga mea i waiho ake ite ao. E pai .ana te haere, ko te kainga tuturu tena mo te ao katoa. Na Pango Te "Whareauahi. Ohinemutu, Aperira 24, 1883.