Te Hereherenga o nga Pakeha na nga Maori kei Waipa.

Korimako, Issue 15, 15 May 1883, Page 2

Te Hereherenga o nga Pakeha nan Maori kei Waipa.

Nama 2. Katahi ka karanga a Mahuki tena kawea ratou kite wai mekamekatia nga wae. Na, toia ana ratou ki tatahi; ko nga tamariki me nga wahine e haere pukana ana, ngeri ana, ka nui te hamumu. Ko Mahuki e whakakaha ana, e karanga ana, " Katahi te ra i kore ai aha Whakaaroa kia koutou te tikanga." Ka mutu ka mea ia, kia arahina ratou kite whare ka haere, ka tae ki te marae ka mea kati, waiho i konei hei tawhainga ma nga wahine me nga tamariki. Na, ka whakaturia ki reira, mete pupuri i a ratou e nga kaihere. Katahi a Wetere ma ka tohe kia tukua nga pakeha. Otiia kahore i rongo. Nawai, a, ka ahua riri te tohe ka mea e Te Wetere kati me riro i a koutou. Heoiti ka toia atu kite whare, he kauta te whare, he kino. Ka tae ki roto tango ana nga putu herehere ana nga waewae kite mekameka rino, me nga ringaringa kite taura, kei tua kei te tuara e here ana. Kotahi te Maori i maka ki roto kite whare ko Haire, he tangata no Wetere. Na, ka waiho maeke o ratou herehere kahore he paraikete, i he aha he kai tutakina ana te whare, mau rawa te tatau ki te mekameka me to raka, e wha te kau nga haora i pau i a ratou e herehere ana. I te Aonga ake o te ra ka hoatu he riwai kikino he kai poaka. Na, takoto ano ratou i te roa o te ra, i tono hoki ki nga kai tiaki ki a wetewetekina nga ringa kia ahei ai te toro atu kite kai, tana pai hoki. Ma ratou e apu noa atu kite kai i te mea e takato herehere ana. Ka tono wahie hoki hei whaka mahana, e wha nga poro i maka ai ki roto, ka po kua pau, takoto maeke ana i te po, tono ana ano kite wai inu, heoi, te wai i ho atu ai he mea kino, he mea kua pokea kite toto. Ka mea me inu ratou i tena. Ka nui te jhemo kai, mete mamae i nga (mekameka o nga wae, me nga

herenga o nga ringa, porua tenei e pe'nei ana. I nga ahiahi ka huihui nga tangata, nga wahine nga tamariki, ki waho o te whare ka hamumn, ka haka, ka ngeri ka tawhai, mete karanga a Mahuki ki ona tangata kia maea, kia maea, kia ngakau nui. Kahore ano nga ture a Ihowa i tukua mai e ia i te rangi kia oti hoa." I te aonga ake o te ra tuarua ka whakakiki i nga herehere o n»a waewae me nga ringaringa, ka oti tenei katahi ka pa te karanga, ko Ngatimaniapoto tenei hei whakaora! Na ko Te Kooti me Wharo, mete tamahine o "Wetere, me to ratou ope kua puta, puta tata, kihai taro kna mau etahi 0 te Tekaumarua kua mau te here. Ko te tatau o te whare-herehere wahia ana pakaru kau, puta ana nga herehere me o raua mekameka e mau ana. Nate kotiro o Te Wetere i unu nga mea o nga waewae. Ko te Kooti kua mihi ki nga Pakeha. A tangi ana te Pakeha ki ona kai whakaora. Ka kawea ratou ki te Kuiti e Te Kooti, whangai ana kite kai, ho atu ana he kakahu, he putu, he aha, heioi ka ora, noho ana i taua ra, otiia, kua rere te rongo o tenei kino a paku noa ki Waikato, ki Mokau, kei hea atu' hoki. Ka hui mai a Ngatimaniapoto ka korero, ratou ko te Tekaumarua. Kotahi rau ma toru ratou. " I te tuatahi, ka mea a Mahuki me kati, me hohou te rongo kua oti taku kua kitei te he o toku Atua, ka maliue taua Atua." He wehi pea nana 1 tana rongongo, ka mauria ia e Ngatimaniapoto ki nga Pakeha whakawakia ai. Otiia, titiro ana ia kua Ngawari a Ngatimaniapoto ka hoki ki tana pakeke tanga ka hukeke rawa, ka mea ia, "Ka pakaru te mahunga o nga Pakeha i ahau." Ka mau ki tetahi paipere, wahia ana, takahia ana ki raro ki te whenua. Ka mea ano ka haere ia ki Arekaanara ka peia nga Pakeha o tera kainga. Heoi, haere ano nga Pakeha, ka hoki ki Wai; kato. Ka tae te rongo o ta kupu haere ki Arekaanara ki nga Pakeha. Ka huihui nga hoia &

: tana kainga tatari ai ki tana : putanga mai, e pono ranei, e teka ranei. Na ka tupono. Ka puta, e toru te kau ratou ka tata kite kainga,: ka tutaki i tetahi Pakeha, herehere ana i a ia, ka toia ki roto kite raraulii huna ai A, ka haere tonu tutuki rawa kite i kainga. Ka. tu, ka liaranga a i Mahuki, " Keihea aTe Paraihe ? j Kia mate, kia mate, i a Ihowa ; raua ko Te Whiti, e whakamate I koutou katoa, kia mate, kia : mate, kia mate, kia mate." Otiia : karanga ana ia kite hau. I reira, ; ka rere ki runga nga hoia, i puta ratou i roto i te whare ka hopungia katoatea te T ekaumarua, arahina ratou kite whare-herehere, herea ana nga ringaringa. Erua te kau ma rua i mau. Kihai roa ka whiua ratou ki runga kite rerewe kawea atu ana ki Akarana kia whakawakia ai tenei hara. Te taenga ki Akarana, ka tu te Whakawa tuatahi. Ka korero nga Pakeha i te mahi tutu o nga tangata ka tika ka pono te korero. Ka tukua katoatia ratou kite whare-herehere, noho ai, tatari ai, mo te nohohanga o te Huperemi Kooti ki reira whakawakia ai kia whiwhi ratou i te utu mo te tutu kite ture. Ka kite tatou i nga hua o nga mahi porangi a Te Whiti. Ko nga utu ote kino he mate. (Kei muri te roanga.)