Untitled

Korimako, Issue 6, 14 August 1882, Page 4

Kei roto kei nga whare-tepa ra e 70 hariata he koura i whakauruhia ki aua hanga; a, i whakamahia i nga wa tino hui Ko aua hariata katoa, na nga kingitanga ke i hora hei taonga. Ko te utu-tau mo te Tumuaki ote Wiwi (French), £24,000 ; a mo nga aha noa iho o tana whare ake, 300,000 paranaki (francs). E kapi ana nga eke whenua 1.8 i Niu loka, Amerika, i nga toa-hoko-hoko taonga a Te Tuiti ma. Ko nga moni tuku a te tangata ki nga Peke moni o Atareria e tae ana kite £65,977,500. Ko nga tima e whakakarekarehaere nei i te moana tima a te Kamapene P. raua ko 0., e tae atu ana kite 50 kaipuke. I Piritene Nui (Ingarangi) he mea tatau-a-tangata nga kapo, kitea iho e ,30,000. E kiia ana e te Parem'Bta o Atoreria kia mahia he Tane kia kore ai e kai tupeka nga tamariki o reira.

"E ORA NEI, EHARA I TE MEA ko Ahau." —Ko te tikanga morunga atu, i roto i te whakaaro o te taugata whakapono, ko te nohoanga o te Atua ki roto ki te hinengaro,—te Atua Matua, te Atua Tamaiti, te Atua Wairua Tapu; Katahi hoki ra ka whakakotahi te tangata ki te Atua, ka mahia ta te Atua e whakaatu ai, i roto i te ngakau, tae noa kite tinana. Na, i runga i tenei whiwhinga whakahara, ka puta i roto i te ngakau koa tenei kupu 0 te tangata whakaporio, " E ora nei, ehara i te mea ko ahau, engari ko te Karaiti e noho nei i a au." No runga i tenei ahua o te wairua, ka mania noa iho nga tini mea e whakarorerorea nei te tangata; tatu ana te mauri, okioki tonu atu kite pai. " E ora nei." Ae hoki ra, he tiituru ora tenei " Ko ahau "; he pono, kua waiho hei tamaiti tonu ake na te Atua. Nana i whakaora i roto i te iho o te hinengaro, i roto i te putahitanga o te wairua, koia i kaha ai i oho ai kite whakapai kite Atua mo taua oranga nui. 1 era nga ra, i te mate ahau; i naianei kei te ora. I era nga wa, ,i mawehe atu ahau i te Atua; i naianei e hui ana aku mahara katoa ki a ia, kite Papa, kua tukua mai hoki e ia te "Wairua Tapu ki roto ki au hei arataki, a kua tinana kotahi ahau ki a Te Karaiti; a ko te orangatonutanga kei i ahau i aku takatakanga katoa. * Ae koa, kei te ora ahau; kua whakaahuaketia e te Atua aku whakaaro katoa. E hara i ahau; nana ano tana mahi. Ko nga mate o nga tamariki o te Atua nga pononga pono o te Atua, i whakamutua - rawatia e te Karaiti, i te matenga ai i runga i te ripeka. I roto i taku kuwaretanga, he hanga nui ano ahau ki taku whakaaro ake; ko tenei, kua pehia ahau ki_ raro riro ; a, ko te Karaiti anake e nui ana, i nga ra katoa, haere, haere ake, ko mana koTe Karaiti, noho, noho ake, korero, korero ake, ko ia hoki taku tu-mua i runga i nga tikanga katoa. Taku

me waiho a au hei korekore noa iho, ko ia ko te Karaiti hei nui moku. i roto i nga mahara katoa mutu noa te haerenga i tenei ao, tae atu kite pa ote orangatonutanga."—J. T. W. — Te Orangao te Whaka&ono.