TE HUI I WAIPAWA.

Huia Tangata Kotahi, Issue 16, 5 August 1893, Page 3

TE HUI I WAIPAWA.

HURAE 19, 1893.

No tenei ra ka hui nga tangata o Heretaunga nei ki Waipawa, Tuatahi, o nga Putake, he whakapuare tanga no te Peene, Maori o Waipawa (Tuarua). kote pooti mema kite Paremata i Poneke. I te hawhe Pahi o te rua ka whakatakoto ria te Peene kite marae, ka tu a H. Ropiha ka mea, ko ia tenei tetahi o nga take i karangatia ai tatou ki konei. Peni Tipuna : He whakaro na matou menga tamariki o te Peene o te Pakipaki, ka whaka-takato ria nei e au tenei moni £l3 pauna, hei ritenga mo ta ratou haere mai kite tautoko i tenei oa tatou Peene. I muri kariro nanga tamariki o te Peene o te Pakipaki i whakatangi taua Peene. I TE ONO P.M. Hori Ropiha : Ko te take hei korero ma tatou i tenei wa kote pooti mema mo tatou kite Paremata i Poneke. He take tenei i korerotia i te Paremata i te Waipatu, I whakaari ano ahau i au. i whakaria ano a H. Tomoana, a Wipere, a Mangakahia, me Tunuiarangi, a ko taku mahara kia whakamatauria e tatou tenei take i kore ra e oti i te Waipatu, me kore e oti ia tatou i konei, ko taku whakaro, kia tukuu mai e koutou moku te Pooti. a ko H. Tomoana, Mangakahia, Tunuiarangi, Wipere, maratou e whakahaere taku Pooti E hara i te whakahi naku, K ngari ko tenei kupu kia kotahi he tangata ma tatou, me tuku au kia haere ki reira titiro ai i tona ahua i te tuatahi nei, a hei reira au mohio ai kinga mahi maku, hoi aku kupu mo tenei wa. Paora Ropiha : E penei ana ahau me korero whiriwhiri tatou mo tenei take, a me oti ia tatou, Tokorima nga mema ka whakariteritea nei e tatou, otira ko Mangakahia. i noho tenei tangata i roto ito tatou takiwa korero ai mo runga i tenei tikanga, whakarongo ana tatou kia ia, (Tuarua). I te hui kite Waipatu, ko Mangakahia, te kai whakahaere o tenei tikanga, Puta ana tona rongo kinga motu e rua, i roto inga pukapuka, whero. I muri i tena ka whaka-takotoria e au te Moni £l5O pauna, he hapai naku kia kaha to tatou tikanga, a ko Mangakahia te Pirirnia i taua wa, I muri mai kahui nga motu e rua nei. kite Waipatu ka whaka t"koto ano au i te moni £lO4 Pauna, hei kaha mote kawanatanga maori. I muri o tenei ka puta a Mangakahia, ki waho o te Paremata, ka tono au kia Hori Ropiha, kia whaikupu kia Mangakahia. kia hoki mai ki roto i te tikanga, i whakahaere nei e ia, kaore i pai mai, haere ana kite utu Raihana, kia tu aia hei whakahaere j roto inga kooti. Na reira i whakapono ai ahau kua puta tonu aia. Mo Henare Tomoana : I tuhi tuhia he Pukapuka whakamana mona hei Timuaki mote Paremata i te Waipatu. Haina tia ana e nga mema, i reira. Na reira i mea ai au kia noho tonu a ia kite whakahaere inga mahi o te kotahitanga i runga i tona mana, me tuku ko Hori kite whare. Mo Tunuiarangi, he Minita-aia note kawanatanga, ko te mahi mana he whakahaere inga mahi mote iwi, kei te kawanatanga nga moni ate iwi inaianei me tiaki ratou ia ratou mahi tiaki i te iwi kei a ratou te mana i tenei wa, mo Wipere ko te take o tena kua puta ana mahi kite ao katoa, a kua riro hoki ia ia

te marae ote Hui, o te kotahitanga. E kore au e Po-oti kia ratou me whakaae a H. Tomoana kia Hori Ropiha te Po-oti, kaua aia e korero ke. Benata Ropiha: • Ko aku kupu tua tahi he whakapai kite Hui, E tautoko ana ahau inga korero a Hori, raua ko Paora, he nui te kaha o toku ngakau ki te tautoko ito tatou kotahitanga, ko Mangakahia, he tangata nui tena no to tatou kotahitanga kua puta tona rongo kinga iwi katoa, a he nui nga manu, i mai kia tae ki tona aroaro o tira i te maroke o ratou korokoro, no reira i nohoatu ai, kati kua rongo tatou ki tona ahua inaianei. Mo_ Henare Tomoana: Kei runga tonu ia ia tona Hepeta e mau ana, kote kavranatanga kia u ki tana mahi mo te iwi, koia nei o tatou tangata nunui i naianei me tuku mai kia Hori te Pooti. Henare Tomoana: I whakahua haere a koutou kupu \ runga inga ingoa o nga mea kua kiia nei hei mema, mehemea he kai whakahaere o ratou kei kdnei ma ratou e whakautu a koutou kupu. Mohi Atahikoia : E hara au i te mea Karanga kia tae mai ki tenei hui engari na taku whakaaro i runga i to tatou ahua, E ngari e raruraru ana te whakahua i te ingoa o Mangakahia, i te mea kaore aia i konei, mote kupu a Hori, he Toro tana i tera whare, ko tenei kupu he kupu tawhito, nanga tangata tuatahi, I haere a Hori ki Ingaiangi, te hokinga mai he Pururipene me ra atu tikanga e whaka haerea nei e ia, E tika ana a korua kupu, kia ngawari tatou, E tika ana hoki a koutou kupu mo Mangakahia. E hara i te mate mote motu katoa tona tangohanga i te Raihana xnona, kaore hoki tenei mea i korerotia i te Paremata i te Waipatu, kia kore e tango Raihana, kati kaore a Mangakahia, i konei hei karo ia koutou kupu. Hapuku Tenahu : E tautoko ana ahau inga kupu a Mohi Notemea kaore e tahi o nga mema i konei hei whakautu i enei korero kua whakatakotoria inainei. Henare Tomoana: E miharo ana ahau ki ta koutou karangatanga i au kia whakapuaki i oku whakaro i konei mo tenei take. E hara koutou i te tauhou ki au, E hara au i te tangata mahi kino kite tahi tangata, i roto ranei inga kooti i whea atu ranei. I ton> ahau i mua kia Pootitia au e koutou hei, mema kaore koutou i whakaae, He nui te hamama o koutou waha he whakakino moku. Otira na era iwi ke ahau i Pooti a tu ana au. Kati konga painga i Puta mai i roto i toku tunga hei mema, i puta kia koutou, he nui nga painga i puta kia koutou ko Rakaiatai kote Ohu, me tenei wahi e nohia nei e koutou, me ra atu wahi. I hanga ture au mo te Arawako te' Ture Here ngawha, kaore he ture Paiatu i tenei, No te tunga o Timi ka whakakorea taua ture, kua mate katoa taua whenua i naianei. No toku wa, te ture arai inga hoko tahae, te kore Roia i roto inga kooti whenua, me era atu Painga i puta. I tohe au kia whakaturia he komihana hei tirotiro inga raru raru i waenga inga Maori o Wairarapa, haunga a Wairarapa moana, inga maori tonu i taua wa whakaaetia ana, I oti i au e tahi wahi Raupatu. Kaore au i kite i te nuinga ake o te kaha o nga mema o muri i au i nuku ake i toku kaha, kaore ano he pakanga a Timi, i te whare. No reira ahau i mea ai ko au to tatou mea pakari, He kupu ano taku kia Tawhiao, i to ko rua haerenga ki Ingarangi, kia kaua e

haere, kia rite rano ki taku i whakaro ai, kaore i whakaae, I te hokinga mai, ka haere koe kite kauwhau, a mutu noa. No reira au ka mahara, me homai kia au kaua koe e kaiponu i to Pooti kaore ano au i Patu i te tangata ware i roto inga kooti, i whea atu ranei. Ko taku mahara, ko au te Tumuaki oto tatou tikanga ko au hei hapai i to tatou tikanga kite whare, E kore e tika ma tetahi tangata, « hapai, ko au kua mohio, kite hapai pakanga ki tera whare kaore ahau e haere atu ka whakarongo, kia mohio kinga mahi, kua Pakanga au i te ra whare. * • Otira i te wa i Pooti ai koutou kia Timi Kara, ia ia e tu nei i Ra katoa a koutou whakaro, he aha te mea i toe mai kia koe, ko au te mea e haere tonu ana ki Poneke, whakahe ai ki nga ture inga tau katoa e tu nei a Thni, kaore koutou e haere ki reira. whakahe ai ko aku whakaro i hinga kat >a ia koutou no reira ka tono ntu au kia tukua ki au te Pooti, I te mea hoki kua mana katoa a koutou na whakaro ko Mangakahia ma, ia Timi Kara, kua whawhai tia e au nga whawhai ki waho nienga whawhai mo mntou ko toku iwi uke, a iiua kite katoa koutou, kati tera. I haerea e Ngnpuhi te niotu nei tae ana mai ki konei, ka uohio au kite tikanga o ta ratou haere, ka Puritia e au ki taku kainga. Ka manakitia e nga tangata o lieretaunga, koia tenei e tu nei i Heretaunga, te Tiriti n Waitangi. Kati mo runga i tetahi tikanga a tatou I ahu mai ia koutou ano tetahi tikanga i mate ai ahau E whakahaere ana au i te wananga, hei taonga mo tatou, Tohe ana koutou kote Pershi a Kenare Rata he Perehi ma tatou, ka e ke atu au ka puta hoki koutou ki waho ka mate ko au, E kore au e puta ki waho i to tatou tikanga, i runga i tenei mahi Pooti, ko au to tatou mea Pakari. Xo reira au i mea atu ai. ko au te Tumuaki he pai rawa ki au mate .Tumuaki tonu e whakatakoto to tatou tikanga ki ie whare, kaore taku whakaro e "whakaae n;a etahi tangata s whakatakoto, No reira au i mea ai me homai te Pooti moku. Purakau Maika : Ko n u he kai Poti au ia Henare i mua, i tenei wa he kai whakahaere au n;o Tunuiarangi, he tuakana ia ki au, mei tae mai ate Teira ki konei Penei kua riro mana e korero te Poti mo Tunuiarangi, I whakahuatia nga mema i te Waipatu, tokorua nga tangata i tautoko ia Tunuiarangi, ko Tamahau, mete Aweawe, E tikana he Minita, a Tunuiarangi, he Pika a Henare, i penei a Tamahau ko nga Rangatira, kia u hei pupuri i te tikanga, a koia hei riwhi mo Tunuiarangi te kupu a Tunuiarangi ka whakaae aia kia hanga he Kirimina, mona, mehemea ka hiahiatia kia Pera. Peni Tipuna: E whakapai ana ahau kite korero a Hori Ropiha, he huinga tono Pooti tenei, a kua tono aia, kua tono hoki a Henare, he pai rawa atu mei konei katoa ratou, E ngari taku pouri koi waiho to tatou Pooti hei wahi i to tatou kotahitanga engari me whiriwhiri marie, Tenei ano te tahi mea hei titiro ma tatou, I puta he raruraru i te hui i te Waipatu, mo runga i te ingoa o Henare, I te meatanga kia hoki ano aia hei Pika mote whare, Puta ana nga kupu taimaha onga mema i reira kia puta ratou ki waho o te Paremata. E mohio ana ano tatou kite kaha o tenei raruraru. I na hoki kote

whare o Runga i reira maua ko Paora Ropiha, i haina katoa kite Pukapuka whaka mana mo Henare, kia hoki ano ki tona turu. Ko te whare o raro kaore e tahi i Haina, No reira au i mea ai me tuku kia Henare te Pooti, kia watea mai ai tera raruraru. Hori Ropiha: Mo taku haerenga ki Ingarangi, nanga iwi ano i whakahe, I haere au mote Tiriti o Waitangi, konga kupu i riro mai i au ko te Pururipine me Waikato kia waiho hei tunga mo tenei tikanga, a nau i tautoko te Pururipene, na taua haerenga o ku i kite xi tatou keite orate Tiriti, ko te taha ki waikato, na ratou ano i whakahe, ka tango a wahanui, a ngati Mamapoto, ka hokona a Maungatautari, tae mai au ka pakaru a Waikato ia ia ano. Monga whenua e korero nei a Henare, Na matou ano i mana ai taua mahi, mei hoko matou, i Rakaiatai, mete Ohu, e kore e taea e ia, He tika te kaha o Henare, kite Paremata, O tira i runga i te whakaro onga iwi, Pooti ke ana, He tika katoa nga kupu Henare mo Waipawa i runga i tona kaha, O tira nanga kai Pooti aia i whakahe, whakaro ke ana kia Timi Kara. E tika ana te korero a i'aora, mote moni, hei kaha tena mote kawanatanga, ko tenei tikanga kua tono nei a Henare, me Tunuiarangi he pakaru ito tatou kotahitanga, ko au te mea tika hei mema ka taea e au te hapai to tatou tikanga, maku mate tauhou e haere taua whare. He tangata tawhito a Henare raua ko Wipere, e kore te pakeha e whakarongo kia raua, ko Mangakahia kua kataina tena tangata e te pakeha, mo runga i tana utunga Raihana mona kei roto ia i te kooti i naia nei. Otene Maihana : I tae mai ai ahau ki tenei hui nate Peene a nga tamariki, kua korero koutou mo te Pooti, he Turi o ku taringa ki enei mahi katoa, I mahara au kua kotahi koutou, Taku mahara mou e Hori, me noho koe hei upoko mote Peene, mau katoa e whakahaere enei Peene, I runga i to hiahia kati me Pooti katoa koutou, taku mahara kati tonu koutou i tenei Paremata, kaua e hoki atu ki tera, kei te titiro tonu au, ki la koutou mahi, a kua rua nga tunga mema n hiahia tia ana e koutou, e kore tenei mahara e tika mei whhiwhiri koutou katahi ahau ka mohio he mahi pono. Paora Ropiha: E pai katoa ana a koutou kupu o tira mo te kupu a mohi mo te kore tono i tae kia Mangakahia, kua puta noa atu nga rongo Pooti o enei tangata kinga iwi, I korero ai ahau mo te moni, hei kaha tena mote kawanatanga kite mahi mo te iwi E tika tonu ana te kaha o Henare e korero nei aia. Henare Tomoana : Mo te kupu pakaru moto tatou kotahitanga, E kore rawa to tatou kotahitanga e pakaru i au i runga i te kupu a Hori e mea akenei, otira ka whakaae au, ka pakaru ia ia, mo ku ano taku kua kiia ra e au, kite tu ahau kaore aku haere atu ka tirotiro i reira, ko te mea tuatahi tonu maku he whakatakoto motini moto tatou tikanga kite whare, ka mahi tonu au i toku kaha i runga ito tatou kotahitanga, ko aku kupu tonu taku Kirimina hei puritanga ma koutou. Hohepa Rii ganohu : E whakapai ana au kite tono a Hori, ko te mea e titiro ana ahau ko tona kupu kite tu aia ka haere ia ki reira titiro ai, kaore e marama tenei ki au, kei te marama nga korero a Henare, e tika ana o ana mahinga e korero nei, E mohio ana hoki tatou ki

tona kaha, I tin hold i h >ki mai aia ia ia e noho nei i Poneke e kakariana. No reira me ata whakariterite. kia kotahi he tangata matatou. Mohi Atahikoia : Kei te whakapai ahau kinga korero a Paora, No reira ka mea ake au ko Mangakahia he mema mo tatou kaore hoki ona tunga i to tatou Paremata, e ngari a Hori he tunga tona. No reira au i mea ai ko mangakahia, hei mema. Otira kanui nga reta •> era atu iwi kua tae mai mo Mangakahia. No reira kaore au e tino mea mona, mote kirimina a Purakau e korero nei he mea hou tenei. Pine Tuakau : I haere mai ahau kite kawe mai ite Pooti. o ngati whiti, o ngati Tama, ngati Pou, ngati Kurauia, mo Henare Tomoana. Pohuka Hapuku : Taku tne waiho ma ratou e whiriwhiri to ratou Puuti, kite kore e oti i a ratou, e kore a no hoki e oti i a tatou, He tangata whakahaere Pooti ahau i Wairarapa, kaore nga tangata o reira i whakarongo kia akukupu ka mate tatou i a Timi, ki ana mai, ka hoki mai a Wairarapa moana i a Timi, kua rongo tatou kua riro a Wairarapa, taku mahara me mutu tera ahua tanga, me kotahi he Pooti mo tatou. Kani Hori : E mihi ana ahau kinga kupu a Tomoana, He nui nga mema i muri ia Tomoana. a kihai rawa i nuku ake te kaha i tona. E korero nei aia inga mea i oti i tona wa, a keite mohio tatou kite pono o ana kupu, e korero :iei I oti ia ia e talii mate o te iwi maori, He tangata whakahaere pooti au mo Timi Kara, mo taku wahiiie te take, ko ia hoki i uru ki waimarino, he oi kaore i oti ia Timi a Waimarino. Porokoru Manaena : E korero ake ana ahau monga mema, toko rua nga mema kei konei ko Hori raua ko Henare Tomoana. E marama ana nga korero a Henare kua korero nei. E mea atu ana ahau kia Hori me hoatu tona Pooti nip Henare, kaore aku kupu mo Mangakahia, raua ko Tunuiarangi. I hoki mai ahau i Turanga i tera iwi tokorua, nga ingoa i rong) au e whakahua tia ana e o reira tangata ko Wipere raua ko Tomoana. Renata Ropiha: Keite marama te kaha o Henare e korero nei, E ngari e titiro ana ahau ki to tatou kotahitanga, E marama ana hoki te kupu a Hori e mea nei me haere ia ki reira titiro ai i te ahua o te mahi. He maha nga mema i muaatu i ki mana ka puta ai te Maori, kore noaiho e puta. Hapuku Tenahu: Taku mahara kia kotahi he Pooti mo tatou, I mahara au me haere i runga i te kotahitanga a tatou Pooti, ko tenei kua pakaru mat.>u ko au kei te whakahaere mo Tunuiarangi, ko Arapata kei te whakahaere mo Wipere ko Ekengarangi kai te whakahaere mo Tomoana e kore hoki e taea e matou te whakawhaiti. Peni Teuamairangi: E tuake ana ahau i runga i tenei take kua korero nei nga tangata hei Pooti tanga, menga kni whakahaere o nga mea kai te ngaro atu, koa koutou kupu i tautohe tonu, kaore he kupu i takoto pai. Ina hoki kua herea e Hori tona Pooti, kua mohio au kua mutu tenei korero Heoi taku titiro ko to tatou Tikanga, mo runga i o korua Pooti, koi waiho hei" mea hapai i te Pakaru, o te kotahitanga. E whakaae ana ano ahau ki tenei kupu, note mea ko koutou nga Rangatira, He penei tonu tenei mahi te Pooti, I na hoki kua kaha tonu o koutou ngakau kite here i te Pooti, Note mea konga iwi i Pai kia

Henare e kore e pai kia hoatu o ratou Pooti mo ou, Pena hoki nga mea e whakaae ki era atu, E whakapai ana ahau kite kupu a Renata, kia kaua to tatou tikanga e whaka rarua i runga i o koutou Pooti. Hori Ropiha: Kua mutu tenei korero, kuamutu tonu taku, mo tenei take ma te tahi tangata e karanga tana ra mo tenei t ike kua mutu tonu taku. I tuake ano e tahi tangata i muri iho, mo taua take, heoi i te mea kua whaka mutua e te kai karanga o te Hui, No reira te tangohia ai ano aua korero.