HE MEA TUKU MAI E NGA WHARE ERUA O TE PAREMATA.
Peneke. 2, Hepetema, 1891. Kia H. K. Taiaroa, Meiha Ropata Wahawaha, Hoani Taipua, Timi Kara, Eparaima Kapu. me Tame Parata E hoa ma tena koutou, He inoi atu tenei na matou kia whakatakotoria a matou kupu ki te aroaro o te Komiti whakahaere mo te Pire mo nga Whenua Maori. Me to matou hiahia kia kaha koutou te tautoko i-aua mea. 1. Ko te Pire, mo nga Whenua Maori kua tae atu na ki te Whare, me kaua e paahitia. 2. Me whakakore atu taua Pire. Engari, me whakamana kp nga Ture i whakahaerea e nga Maori i runga i nga tikanga i whakatakotoria e nga hui i tu ki Waiomatatini, ki Omahu, Whanganui, Wairarapa, me Te Tiriti o Waitangi, Kororareka, me te hui hoki i tu ki te Wairoa, Haku Pei. Ko aua tikanga i hangaia e te Iwi Maori i te mea kua kitea nga raruraru o nga Ture o mua mo te Kooti Whenua Maori, me nga hoko, me nga riihi Whenua Maori, me nga reiti taake hoki e whakaekea ana mai ki nga whenua me etahi huhua raruraru.
3. Ko nga tikanga nuinui i tino oti oi nga Maori, o ia hui o ia hui. a. Ko te mana whakahaere mo ratou whenua me tuku mai ano ki te iwi maori b Ko nga Komiti mo nga takiwa me whai-maha ki te whakawa i nga Whenua Maori, i nga whenua kaore ano kia whakawakia e te Kooti Whenua Maori, tae atu hoki ki te mahi i nga wawahanga, me te whakauru riwhi tupapaku, kia rite tonu to ratou mana ki te Kooti Whenua Maori. c Ka ahei nga tangata na ratou tetahi poraka whenua, ki te whakamana Komiti hei whakahaere i taua whenua o ratou. d. Me whakatu tetahi Komiti hei tirotiro i nga raruraru i waengani i nga Maori me nga Pakeha, me te Kawanatanga hoki, me te titiro hoki ki nga Ture e taumaha ana, me nga hoko, me nga riihi, me nga whakataunga, me era atu pouritanga mai ano i te Tiriti o Waitangi. e. Ko te hoko o te tangata i tona paanga ake ki te Kawanatanga, ki etahi atu tangata ranei, kia kaua e mana, engari kia oti te wawahi, ka mana ai te hoko. Ki te kore enei tikanga e tirotirohia mai, e whakaaetia mai ranei, me unu mai koutou ki waho, kaua koutou e uru atu ki te whakahaerenga o taua Pire kua takoto nei ki te aroaro o te Whare Na Wi Parata Kakakura Tiamana o te hui Maori, me te 29 tangata.
Permanent link to this item
https://paperspast.natlib.govt.nz/newspapers/AONUPEP18920604.2.13
Bibliographic details
Aotearoa : he Nupepa ma nga Tangata Maori, Volume I, Issue 1, 4 June 1892, Page 8
Word Count
436HE MEA TUKU MAI E NGA WHARE ERUA O TE PAREMATA. Aotearoa : he Nupepa ma nga Tangata Maori, Volume I, Issue 1, 4 June 1892, Page 8
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in