Kia te Kai- Whakamataara.
E hoa ma, E te Kawana, e nga Minita, e nga kai whaka haere tikanga, e nga pakeha katoa o Akarana, kia rongo mai koutou, tenei ano tetahi tangata e hiahia ana kite whawhai ki a matou, Ko Taraia. Tenei ano te tikanga, i mea ai a Taraia kia patua matou, he mea korero hnrihori c te tangata haere, " na te Kaivau te kupu ko nga kumera nunui o Orakei hei kinaki mo Taraia." Khe ana ate Kawau ki tenei kupu, he korero horihori tenei konei a Taraia i tae ai ki tona kakahu kaftahutahu kite ahi hei titiro mai ma nga rangatira o Ngatipaoa, ka patua e ia a Ngatiwhatua. Tenei ano te tikanga o te ngakau o Taraia i whakakitea ai ki nga rangatira o Ngatipaoa kia uru ratou ki tana tikanga kite kino ; ki' hai i pai ratou kite kino ate tangata kotahi, mana ake ano tana kino. Ka kite Ngatipaoa i taua kino, ka tukua mai te karere kia rongo matou. Tae mai te karere ki a matou, ka karangatia, e ka huaki ka huaki i a Taraia, ka oho matou, ka huihui matou ki Okahu; katahi a te Kawau ka whakatika ki runga, ka ki, ka aue a te Kawau, ka mea " e te whanan whakarongo katoa. Ka whakaae ahau ki tenei keno, meake ahau mate i te kohuru a Taraia, meake ahau peratia me taku tamaiti i kohurutia e Taraia i mua, ko te tuawha hoki tenei o ana ngakau mo tatou kia patua tatnu e ia ; koia ahau ka whakaae ai kia whawhai tatou ki a Taraia." Muri iho ko te Tinana, ko aua kupu ano i korerotia ra e te Kawau, i whakaae tahi raua kia whawhai ki a Taraia, ta te mea hoki ko te he kei a Taraia. Na, whakarongo mai e te Kawana, e nga Minita, e nga Pakeha, kia rongo mai koutou, he nui te he o Taraia e noho nei ite ao. Ko te tamaiti o to Kawau tuakana, ko te rangatira o tenei iwi, ko Totaraiahua te ingoa—he mea kohuru e Taraia. Ko te tikanga tenei i kaha ai ate Kawau kite whakaae kia whawhai ki a Taraia, mo taua kino a Taraia kihai ia i mahara he papa tona e takoto ana i raro. Kaua ia e karanga mai kite whawhai j katahi te tangata kuware, i kai pea i te Ramate mohio ai ia ki tana he i takoto ana i vara i ana, waewae.Heoi haere ana te rongo i roto i a matou katoa, ka tae te rongo ki to matou Minita ka haere mai ia kia kite ia i a matou. Katahi ka tae mai te Minita ki a matou. Ka korerotia ki a ia nga mea katoa, katahi te Minita ka mea mai ki a te Kawau, kahore ahau i haere mai kite whakarite ite kino, otira ko te whakapono he noho marie i tona kainga—kaua e haere i tana tono, i ta te tangata kino, koia ahau i haere mai ai kia kaua koutou e haere atu ki tawhiti. Katahi ano te Minita ka mea mai, kahore ahau i haere mai kite korero ite kino ; otira ko te whakapono. Kei ate Kawana te tikanga mo te kino, mana e whakarite. Katahi a te Kawau ka mea atu kite Minita, ka mea, tena taku kupu kua panga atu e ahau kite tangata, kia noho atu a Taraia. Katahi te Minita ka mea mai, ka nui te tika o tau kupu, kia kaua e tae mai. Katahi te Minita ka mea mai ki ate Kawau kite kupu whakarite; kite mau tetahi tamaiti ite maripi ka riria ia ete kaumatua; kihai i rongo, katahi ka tapahi i tona ringaringa, ka motu. tona ringa, ka mea te Miuita nana ano te he mona. Ka mea mai ano te Minita, heoi ra ka tae mai te tangata kino ka pei atu ki waho; heoi ra me noho marie koutou i o koutou whare. Heoi ano ka hoki te Minita ki tona kainga. Na matou Na Noatiwhatua.
Permanent link to this item
https://paperspast.natlib.govt.nz/newspapers/AMW18480620.2.16
Bibliographic details
Anglo-Maori Warder, Volume 1, Issue 9, 20 June 1848, Page 4
Word Count
675Kia te Kai- Whakamataara. Anglo-Maori Warder, Volume 1, Issue 9, 20 June 1848, Page 4
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in