He Poroporoaki ki a Hoani Tangiora
Haere e koro ti tua o Paerau Haere i runga i o waka, i o Takitimu, i o Kurahaupo. Haere i runga i nga maunga korero a o tipuna E moe nei i te whenua: “He rangai maomao ka taka ki tua o Nukutaurua e kore a muri e hokia” No reira hoatu kite kainga ki o tipuna i Hawaiki nui i Tawhitinui. Ka maro to tira i te ara i kautere mai ai o taua tipuna i Tawhitipamamao. Ka maro i te ara taketake ki Hawaiki kite Hono-i-wairua, kite toi ote tangata, i rauhitia ai e lomatua i te hurihanga a Mataaho. Haere Hoani, haere e te hoa te toka taikura, te parepare te whakaruruhau, murau a te tini, wenerau a te mano a Kahungunu, a Rongomaiwahine manu tioriori, manu honenga ko koe ka wahangu i tenei ra.
E moe e te pou o te Hahi, te pononga a Te Atua, e hoi i runga i to waka i te whakapono E tae koe ki o rangi kite tauranga i tou Atua tena te reo powhiri whakatau i a koe. “Ka riro ra ia te momo o te tangata Ka memene ki tawhiti e he . . .” Piri Sciascia
Permanent link to this item
https://paperspast.natlib.govt.nz/periodicals/TUTANG19861201.2.46
Bibliographic details
Tu Tangata, Issue 33, 1 December 1986, Page 41
Word Count
204He Poroporoaki ki a Hoani Tangiora Tu Tangata, Issue 33, 1 December 1986, Page 41
Using This Item
Material in this publication is subject to Crown copyright. Te Puni Kōkiri has granted permission to the National Library of New Zealand Te Puna Mātauranga o Aotearoa to develop and maintain this content online. You can search, browse, print and download for research and personal study. Permission must be obtained from Te Puni Kōkiri for any other use.
Log in