TE WHAKATAUKIA NGA TIPUNA

Tu Tangata, Issue 32, 1 October 1986, Page 51

TE WHAKATAUKIA NGA TIPUNA

“Nau te raurau, naku te raurau, ka orate iwi.”

Pono ana tenei whakatauki a nga tipuna, I nga ra o Hune i te toru tekau ki te toru tekau ma tahi I aua ra ka whakakotahi te iwi o Aotearoa kite whakaemi moni mo te kaupapa e kia nei ko telethon. Mai te Hiku o te ika, i te ika a Maui kite kei ote waka ite Waipounamu, eke ana tenei whakatauki, “Nau te raurau, naku te raurau, ka orate iwi.”

I nga wa o mua, i te wa e noho tahi ana nga tipuna i roto i nga marae, ka tu ana he hui kua haere mai tena, me tena, me tena me tana raurau. Ahakoa iti, he mea nui tenei na te mea ka huihui katoa ana nga raurau kai, ka orate manuhiri. Tae mai ki tenei wa kei te eke tonu tenei whakatauki. Nau te raurau, naku te raurau, ka orate iwi.

I te timatatanga o te Telethon ka whakakotahi te iwi mai nga pepe katahi tonu ka whanau atu, ki nga tamariki nohinohi, ki nga tamariki o roto i nga kohanga reo, ki nga tamariki o nga kura tuatahi, ki nga taitama o nga kura tuarua, ki nga tamariki haua, ki nga matua a tae noa ki nga tipuna. I te whakakao tana o nga raurau puta ana te koha nui.

I roto i nga kura o Waikohu ka haere mai tena tamaiti me tena tamaiti me tena tamaiti, ahakoa iti, ahakoa pakeke, ahakoa haua, me tana raurau moni. I hikoi nga tamariki o te kura tuatahi o Whatatutu mai to ratou kura kite piriti o Puha e rua tekau ma rua kiromita. Na te kaupapa ka whakapakari nga tamariki nei me o ratou kai ako, me etahi o nga matua kite awhina i tenei take. Anei te ki a te ropu nei “Engari te ngaringari, he te rawa te kore rawa” Ahakoa iti te moni, ahakoa nui, kare he mea e mahue ki waho. I te huihuinga he raurau nui ke.

Ka tu ana he hui i to matou kura kua hari mai tena akonga i tana raurau kai a moni ranei hei awhina i te hui. Noreira ki oku whakarongo e tika ana tenei whakatauki kia haere mo te mutunga kore tonu ake. I na “nau te raurau, naku te raurau, ka orate iwi.”