“Tautoko kia whaia te ao marama”

Tu Tangata, Issue 16, 1 March 1984, Page 18

“Tautoko kia whaia te ao marama”

He tino maha nga mahi whai oranga e hurihuri ana i roto i te Ao Maori. Kua whakaotia te ekenga tuarua ki nga taone mete ekenga tuatoru hoki ki tawahi ki Poi Hakena kite wa kainga tonu, a, kei te tipu te nuinga i te Ao Pohatu, Ao matao a te Pakeha. Me titiro tatou ki a tatou ka kitea ai nga raruraru o te Ao hurihuri e pa ana ki a tatou. Otira, ke te nuinga he tamariki, mokopuna, rangatahi ranei e tipu mai ana i nga taone, e kore ratou e mau nga tikanga Maori i waihotia iho e tatou o matua tupuna. Kua katia te pito i a ratou i nga mauri whenua, me nga turangawaewae marae hoki. Na te kaupapa tonu a Tu Tangata ka oho te mana Maori. Kua tae kite wa e wawatatia ana e te Maori kia huri te whakaaro Pakeha ki ona tikanga, ki ona ritenga hoki. Kei roto i enei pito pito korero, kei te ara mai etahi tino mahi Maori hei whakatakoto whariki oranga mo tatou. Kei te oho tonu te iwi Maori,

kei te tu tonu, kei te tu tonu, e whai ana i te Ao Marama mo ratou. I te 19 Maehe 1984, ka tu te hui a te Tari o te Ora, (Health Department) ki Hoani Waititi Marae ki Tamaki-makau-rau. E toru nga take o tenei hui. Ko te mea tuatahi kia huihui mai tatou te Tari o te Ora, kia tutakitaki, kia kitekite, kia korerorero, kia whakamaramatia nga tikanga a te Maori. Ko te mea tuarua kia korerotia mai nga whakaaro a koro ma, a kui ma, mo nga mea pai i waihotia iho e o tatou matua tupuna hei tauira mo tatou. Ko te tuatoru kia whakakaupapatia he wahanga Maori i roto i te Tari o te Ora, kia whakatikaina nga mahi hei awhina i a tatou. He tino taonga nga tikanga a o tatou matua tupuna. Ma te Wairua Maori ko mohio tatou kite manaakitanga kite whanautanga, i aroha tonu kite tangata, atawhaitia.