HE HUIWHAKAPUARETANGA WHARE KARAKIA.

Toa Takitini, Issue 110, 1 November 1930, Page 2177

HE HUIWHAKAPUARETANGA WHARE KARAKIA.

. . . .Ko malou ko nga tangata o tenei Takiwa ka tono atu kia koe, kia whakatapua tenei Whare Karakia, hei whakahonore hei whakakororia kite Atua a hei tohu whakamaharatanga hoki ki o matou Matua Tupuna i puritia ai te Whakapono, ka huaina tona ingoa ko TE HUNGA TAPU.” Ka pau katoa i roto i enei korero i runga ake nei nga ahuatanga katoa i whakapakari ai era hapu o Te Aupouri, Te Rarawa, me Ngatikahu, kite whakaara ito ratou Whare Karakia, ara te hapu nei a Te Patukoraha. He nni te wahkamihi 0 te hunga i tae ki tenei Hui mo tera Whare Karakia no te Maori i oti pai te Whare me ona mea katoa o roto, a i noho ea tenei Whare me ona mea katoa i mua o te whakapuaretanga. Kia Ora ano koutou Te Patukoraha mo ta koutou Taonga ataahua, kua whakaarahia na e koutou hei tohu whakamaharatanga ki o koutou Matua Tupuna. Na reira mauria, whkawhanuitia hoki te Taonga a o koutou Matua Tupuna i roto 1 enei ra. No te Rahoroi te 27 o nga ra o Hepetema, ka eke nga iwi kite marae i Kareponia. Ko te marae kei raro kei te mania, ko te Whare Karakia e tu iho ana i runga i te maunga. Ao ake i te ratapu, i te haora i whakaritea ai, ka kake nga iwi katoa ki runga kite maunga. Tino nui te tangata, kahore i ahei kia urn ki roto i te Whare Karakia. Ka whakaritea ko te Karakia Whakatapu me whakahaere ki waho, ka mutu tera ka hou ai nga tangata tango Hapa ki roto i te Whare, ka whakatakotoria te Hapa Tapu. Na Kenana Keretene i whakahaere te Karakia Whakatapu. Ko nga Minita i reira ko Rev. Trill, Minita Pakeha o Kaitaia, ko Revs. H. M. Paerata, A. Paerata, H. W. Kaipo, Mutu Kapa, H. Paraone, H. Taurau. W. N. Panapa. Ko nga Mangai Reimana ko R. P. Kingi, Pereiha Tauhara, Pene Ngalote, Eru lhaka, Henare K. Waiaua, Wairama Maihi, Herepete Rapihana me etahi atu. Ka mutu te Karakia Whakatapu i waho, ka tomokia te Whare e nga Minita, nga Mangai Reimana, me nga tangata tango Hapa, a ka whakatakotoria te Hapa Tapu ma ratou. I te torn o nga haora i te ahiahi, ka hui katoa ano nga Minita me nga Mangai Reimana kite Whare Karakia, a e rua nga tangata i raihanatia hei Kai-karakia mo te Takiwa o Oruru. Ka mutu te karakia ote po, ka tono nga iwi kia whakahaerea nga Mahi a Te Komiti Tumuaki i tana po. I tirohia e te Tumuaki o te Komiti ko te mea mama ki nga iwi, he mea hoki kua hinga katoa Te Aupouri, a Te Rarawa, a Ngatikahu kite mahi i o ratou whenua i roto i enei ra. Ka noho te Hui a Te Komiti Tumuaki i tenei po.