TE TU-A-TANGA O TE WAWAHANGA

Toa Takitini, Issue 102, 1 March 1930, Page 2007

TE TU-A-TANGA O TE WAWAHANGA

P. H. Tomoana. E ki ana a Te Meihane Takihi, he tangata pai, he tangata rahi a Te Whatuiapiti, he toa hoki e ai ki nga korero. Na runga i tenei ahua ka whai nei a Te Hnhuti te tamahine a Te Rangitaumaha (i kohurutia rate ope wahine me Te Aukamiti i te putanga o Te Toa o Tihema ka hori nei). I te omanga mai o Te Hnhuti kia Te Whatuiapiti, ka tae kite Rotoatara, ka kauria e ia a ka tae kite moutere nona nei te ingoa, ka haere mai nga wahine kite tiki wai mai, ka kitea te wahine nei e noho ana i te taha wai, ka tono atu kia homai he wai mona, ka mauria atu te taha ka wahia. Ka riri nga wahine nei, katahi ka hoki atu ka korero kia Te Whatuiapiti. Ka haeretia mai e ia, a ko Te Hnhuti, ka mauria ki te kainga, Te taenga atu ki roto i te whare, ka titiro mai te koka o Te Whatuiapiti a Hine-te-Moa, mete maurnahara tonu kite kohurutanga i tona tungane, ka tukumaru tonu nga mata o Hine-te-Moa, katahi ka karanga atu: — “ Ha! Noho ana me hore! Ha • noho ana me he teko!" (Te Hore he tuna, te teko, he tekoteko) No muri ka whanau nga taaina o Te Hnhuti ka apaina ko Hinehore, ko Hineteko e whakaputaputaina i roto o te waiata ra: E muri ahiahi takoto kite moenga Whakatoro ana mai ko to ivairua tonu. Ka hewa tenei kei te ao Whanake te aroha i nui o Rangi ra Me tangi atu koe te tangi a rakauri

Te tangi a rikiriki kia hoki mai ai Ehara koe i te tane, he puhi koe naku He ipo kite moenga Nau i kau mai te awa ki Waikato Te ata kitea atu i te hinapouri He tuhanga tonu au np Ariariterangi Na Te Raupare, noho ana Okeoke Na Te Hiihuti , nau i kau mai I a Hineteko i Te Rotoatara Kia ea ake ana ko Hinehore ko koe He tuhanga tena ka rite ki ahau. Kaati i te mea ka whanau ta raua tamaiti tuatahi a Te Wawahanga, ka tonoa mai a Te Rangitaumaha kite tu-a-tanga o tona mokopuna. I haere atu ia i Oueroa, raua ko Karaka, te tamaiti a Taraia, i Ngaruroro e noho ana. Ko to raua ope kotahi rau e whatekau, no Ngai Te Ao, Ngapuhi, Ngai Te Wera. Ka tae te ope ra ki Te Mahia e tata ana ki Poukawa, ara kite kaainga o Te Whatuiapiti, katahi ka tapaea te mahi nei a te huahua e te tangata whenuaKa takoto ta Te Rangitaumaha he kakahi. Ka eke te whakama kia Te Huhuti katahi ka karanga atu kite papa “Ka kore noa he kai, katahi ka mauria mai nei enei tu kai ki konei!” Katahi ka karanga atu te papa “E hine kaore atu he kai mau, heoi ano te mea e toe ana ko o maatua ko o tungane, me o tupuna.”