MERE KIRIHIMETE

Toa Takitini, Issue 100, 1 December 1929, Page 1922

MERE KIRIHIMETE

Kei te anga whakamua te whakaaro o te tokomaha kite wa e whakatinana ai te maioha nei— MERE KIRIHIMETE! He wa “hari nui,” he wa harakoa. Mei kaua te tangata i whakahua i tenei maioha kua riro ma nga mea hanga e whakahua. Ko te nui whakahara tenei o tenei ra. He tokomaha pea e whakahua ana i tenei maioha, kaore e tino aro he aha te tino tikanga o aua kupu. Kia taua ki te Maori, ina na to taua mohio mo taua ra, me ona tikanga: — (1) He wa hakari, tona nui ote kai. He wa harakoa, whakauru tahi nga mahi inuinu. He wa whakaatuatu i nga pueru papai i riro mai i ng amahi raumati. (2) Ano nei he hurihanga tau ki tenei i te kaumatua nei. Ka mihi ki a ia kua tae ora ki tetahi atu kirihimete. Ka tautaparia he “take” hei whakahuihui i te tangata. Ka whakapau te kaha o te hunga naana te ra kite tango ite kai nei, kia ingoatia ai ratou. Engari ra, kua ahua mohio te Maori. Mohio penei na: ana ano tetahi mea kei te akiria e ia i tere makona ai kite karangara kirihimete, ahua hui maori nei. Kua kore i kaha hamama te waha kite karanga whanui i te kirihimete. Kua mohio kite nui o ona taumaha. Kua whaiti te karanga. A, he wa ano ko ia anake me taana whanau ki ta ratou nei kirihimete. Ko te mea e patu nei i ta te Maori, me ta te Pakeha hoki pupuri i nga whakaritenga o te kirihimete, ko te mahue o te ngako ara ote Mea Ora o nga whakaritenga o taua ra- He nui rawa kite taha whakateao te kakai, te inuinu, mete porewharewha noaiho. He itit rawa kite taha whakatewairua te karakia whakawhetai, te maioha rangimarie, te hari whaka-wairua. Otira, tera etahi e mea, he aha te Hari Wairua? Ko te hari wairua: he hari i runga i to mohio kite kaupapa i harakoa ai koe; he hari i whanake i roto ake i a koe, ehara i tetahi mea o waho i whana kia pula mai ki waho. I hari wairua a Hana mo tona whiwhinga i taana tamaiti i a Hamuera: “E whakamanamana ana toku ngakau ki a Ihowa” etc. T hari

wairua a Rawiri: ‘‘A kanikani ana a Rawiri i mua i a Ihowa.” I hari wairua a Himiona, “Katahi e te Ariki ka tukua to pononga ’ etc. I hari wairua “te ope ote rangi e mea ana, kia whai kororia te Atua i runga rawa” etc. Na, ka kite ai tatou, ko te hari wairua nei: KO TE ATT A ITE TUATAHI, KO KOE MO MURI. Kite tika tenei, ka tika te katoa o au whakarite i nga tikanga o te RA KIRIHIMETE. TE RA KIRIHIMETE: He ra hari, harakoa mo te whanautanga o te Tama a te Atua kite ao. I hari nga mea katoa, mai te rangi tatu iho kite whenua. He hakari tenei i puritia ete Haahi Karaitana o nehera, a mohoa noa nei, engari kaore i te ra kotahi. I mea a Keremeneta o Arehanaria ko etahi pupuri ai i te 20 o Mei, ko etahi he marama tuturu i mua mai. Ko te wahanga rahi ote Haahi ote Rawhiti i hui i tenei kite taha ote Hakari ote Whakaaturanga, kite 6 o Hanuere, no te mea i kiia ko te ra tera i iriiria ai ate Karaiti. Na te Haahi o Konotinopera (Constantinople) i whakahurirapa taua ra mo te 25 0 Tihema, katahi hoki ka tangohia e era atu Haahi, a ka tae mai nei ki a tatou. Ko te Haahi ia o Aminia mai ra ano e pupuri nei i taana Kirihimete i te 6 o Hanuere. Ahakoa te tohipa o nga whakarite o mua mo taua Ra Kirihimete engari ko te Ao Karaitiana o naianei kua tango ko te 25 o Tihema taua RA. Ina ra e whia ake hoki ra ko te 25 o tenei Tihema. Ka pehea ra tau whakanui i tau Kirihimete? Ina na, ta nga Anahera:— Kia whai kororia to Atua i runga rawa, kia mau te rongo ki runga kite whenua, mete whakaaro pai ki nga tangata.’ 9 Ina ano, he Atua la, ka tango nei Ite ahua tutua ote tangata. Piripai 2.6 B. Ka whanau ki ro tepara- Ruka 2. 7. Ka rawakore noaiho. 2 Kori. 8. 9. Enei katoa ipa kite Tama ate Atua, mou moku, te take. He aha ra ta taua mona? Me hari noa? Kaore pea e ‘nawhe.’ Me pera pea ita nga MAKI, me mawhera nga taonga hei whakatinana i te hari, ara, hei awhina i nga take i whanau mai ai la kite ao nei. Ko aua taonga, ko au whakahere i te wa o te Kaingatahitanga Tapu. Ko tenei te karakia nui o te RA o te Kirihimete. Tena koutou! Mere Kirihimete!