NGA HUI MAORI.

Toa Takitini, Issue 94, 1 June 1929, Page 1005

NGA HUI MAORI.

Ka tae te Minita mo te Ora (Hon- Mr Stallworthy) ki te takiwa o Ngati-Porou ka korero nga pakeha o reira ki a ia ita ratau whakalie kite putuputu ote haere a Ngati-Porou ki nga hui Maori, ka pan nui a ratau moni, ka mahue nga mahi, ka moumou nga ra tika mo nga mahi. Na, ka tukua mai e taua iMinita avia whakahe kite Minita Maori, ki a Ta Apirana Ngata. Ko nga hui i whakahengia nei e nga pakeha o te Tairawhiti ko te hui kite Wairoa itel7 o nga ra o Hanuere, ko te hui ki Ngaruawahia i te 15 o nga ra o Maehe. I roto i aua wiki e hia ranei nga hui reihi-hoiho a te pakeha i tu ki nga wahi katoa o nga motu e rua; nga hui a ona ropu mo ia take mo ia take itu ki nga wahi katoa. Kaore rawa i rangona he whakahe ma nga Maori mo te nui rawa o nga moni i pau ki aua hui, i rukerukea ranei ki tera takaro ki te reihi-hoiho. Kaore hoki he whakahe mo te whakahuihui a te pakeha ki etahi wahi korerorero ai i nga tikanga hei painga mo ratauHeoi nana i wehewehe nga momo hui nei na nga pakeha etahi, na nga Maori noa etahi. He aha nga hui Maori i whakahengia nei? Ko te hui ki te Wairoa i karangatia e Ngati-Kahungunu o te Wairoa kia tae atu a Ngati-Porou kite awhina i a ratau ki nga mahi i kiia ai e te pakeha hei mahi tika ma te Maori, ara te mahi paamu.

Ko te hui i Ngaruawahia i karangatia hei whakatutataki i nga whakaaro o nga iwi o te motu, hei whakangawari i nga huarahi e kotahi ai, hei whakanui i te tomokanga o te whare i ata hangaia ki nga whakairo, ki nga tukutuku, ki nga kowhaiwhai, e tohutohu mai nei nga tino tangata o te iwi pakeha kia puritia e te iwi Maori kei ngaro. Akuanei ko te mahara i nga pakeha i whakahe ra, he pai te hui mehemea na te pakeha i karanga, ahakoa i pau nga moni i te haerenga ki taua hui; engari ma te Maori e karanga Kaore e kore he hui take kore, moumou kai. moumou moni. Pakeha! Pakeha!