190.—HE WHAKAORIORI.

Toa Takitini, Issue 93, 1 May 1929, Page 1013 (Supplement)

190.—HE WHAKAORIORI.

Na Ngati-Porou. Na Rahera Rairi nga kupu, nga whakamarnma. E ki ana a Rahera, ko te korero a Te Hati Rairi, he whakaoriori tenei mo Poututerangi, he tuakana ki a ratau. E torn nga whiti o te waiata nei; kaore i ata oti i a Rahera. E taia ana me kore e oti i etahi atu. E ki ana a Waiheke Puha i rongo ia ki a Heni Te Kahurangi, Ka piki i Totara, ka eke i Pukekura, Ka tapatu ki tua ra, ki Rapanga-a-te-hoe. E uia mai koe, “Na wai te tamaiti, e?” Ki atu e koe, na Mahaki 1 a Iranui, Na Kahupakari, 2 na Te Aomatangi, Na Hinerupe ra taua, e tama! E whawhai atu ana ki te hungahunga, Ki te mikomiko 3 ote kainga 0 to tipuna o Te Hukarere, 4 Hei kahu mo taua, e tama! E hika, e, i whangaia taua Ki te kai o tawhiti, Kite puarakau, kite tuku toperu, Na Rawaki ra. Mokai tuatini, mokai tuamano, He po i haere ai, he mataku kei taona Mo te kuri a Tuwhakairiora, 5 Mo Tumoana-whakaheke: Tau rawa ki Whangaparaoa: Ko moko tona momo, e. 'Mahaki: I moe a Iranui, tuahine o Kahungunu, i a Hingangaroa, ka whanau nga tamariki ko Taua, ko Mahaki, ko Hauiti, 2 K.ahupakari Te Aomatangi > He tipuna no Ngati-Porou. Hinerupe ' 3 Mikomiko : He rito no te nikau. 4 Hukarere: Tokorua nga tipuna o tena ingoa. Ko te tuatahi ko Te Hukarere, he taina no Tuwhakairiora. I moe tera i a Hinerupe e korerotia i runga nei. Ko te tuarua he mokopuna na Tuwhakairiora, na te tama a tera, na Tuterangiwhiu. s Tuwhakairiora. Kua korerotia ake nei. 6Whangaparaoa: Te wahi i u mai ai nga waka i Hawaiki; kei Cape Runaway.