REIRI NGATA.

Toa Takitini, Issue 93, 1 May 1929, Page 991

REIRI NGATA.

No te ata o te paraire 18 o Aperira ka hurl ka paho te reo, E! ko Arihia Ngata tenei ka takoto i te moenga roa. Oho ana te inauri, taukuri kau ana. Haere e whae. Haere ra! Haere koe te wahine kaha kite miramira i ekengia ai e Ngata nga taumata honore o enei ra. Haere “Kia man ki tai ki tua, he popoa, he hanea.” Ko (Arihia) Reeri Ngata, lie tamahine na Tula Tamati o Whareponga. 1 te kohinetanga i tae ki nga kura. Na tenei ahuatanga i totika ai taana awhina i tona hoa taane i ana mahi nnnui. He wahine ngawari, whakaiti. Kaore e

okaka kia kitea ki mua. Ko muri tona puiaki. ko te taha 0 te “Wiwi.” I tona mohio ki nga tikanga maori, he tino kai awhina ia i tona hoa taane, kite haka, waiata, patere, me era atu mea e kororia ai te hui maori. He wahine whakapono. He kaha hoki kite hapai i nga mahi e tipu ai te whakapono. I tumanako ia kia takoto tika te whakapono o Ngati Porou- E tae ana he ope ki tona kainga i nga wa katoa. Kaore e auhi kite takataka ki ana manuhiri, ahu ake ki taana whanau 14. E II o taana whanau i ata miramiratia e ia, tukuna ki nga kura, na kua pakeketia. I marenatia ia kia Apirana Turupa Ngata i te wa o te Minita mo taha Maori i te University o Akarana. I te tari roia a Ngata ka whanau ta raua tamaiti matamua. Ka timata a Ngata i konei kite uni haere ki nga turanga honore, me Arihia ano ki muri awhina puku atu ai. Ite ekenga o tona hoa taane hei Minita maori i nui ke te mihi kia ia. I mohiotia na tona au ngawari i mama ai te haere o nga mahi. 1 kite ia i te tautapatanga i tona hoa taane hei Ta, hei Minita maori, i awhina tahi nei ia kia whiwhi ki enei honore. Na reira e tika ana te ki, ehara i a Ta Apirana me Ngatiporou anake tenei aitua. engari no te iwi maori nui tonu.