162.—HE ORIORI MO TE PARE-KANGA.
Na Hautu. Kaore i whakamaramatia no te hea iwi a Hautu, nana nei te oriori nei. Na Te Peehi i tuku kite Tr. 31/638, a i tuhi hoki kite 8.3/197. Kei roto i tenei waiata nga korero mo te whare pora, mo nga main whatu, raranga. (Ref.: Tr. 31/638, 8.3/197). E hine, e moe nei, kati ra ko te moe! E ara ki runga ra, e mau ki te hoe; Ko te hoe nui, e, ko te hoe roa, e, Ko te hoe na Mata-houma’ i tutu ai i te ata, e. Taia atu ra te tata, te takerepapa ra, Kia mimiti, kia pakora te tai ki Hawaiki, E hine ra! E hine, hai noho i te taha kite ahi, Hai te koko pouri, kia whakarongo to taringa Kite waha 2 o Tane, eko i te ata, Ko te tohu o te raumati, e hine! Toia ake rate tatau, ka titiro ki waho ra; Haea mai ra ko te ata i tua, ko te ata i waho; Ko te ata e whano ai, e tu te horopito i raro, e, Ka ao, ka awatea! Ka hopu ra to ringaringa ki te turuturu, 3 Ka mau, whakaarahia i te putahi. 4 Tuaumutia 5 ra, ka kai Rua-i-te-hihiri, 6 Ka kai Tangaroa me tana whanau wahine, Me Hine-karekare, me Hine-ahu-one; Ko nga wahine ra tena i haere ai I takutai roa i Hawaiki. E hine ra, taumahatia ra! 7 Tuia a uta, tuia a tai, tuia i te pito, e. Whatua mai te aho kia kawitiwiti, 8 kia katoatoa 9 Mo te oti wawe, e hine! Waiho te whare, e hine, i to tipuna i a Paia. Hua rawa atu nei, ka matau rawa i a ia Te whata a to tipuna a Raumati-ninihanga lo Para whetau, e, na Turuwhatu, Te whata a Pouroa i Tahuna-a-tapu. Mou ra, e hine, koi hikaia koe Ki te ahi ote ruhi, ki te ahi ote ngenge, Kite ahi o te whakamatiti Mo te kore rawa, e hine!
'Mata-hourua; Ko Matahorua pea, ko te waka o Kupe. 2 Waha o Tane: Mo te tangi ate manu. sTuruturu: He pou no te kaupapa whatu kakahu Maori. 4 Putahi: Ko te waero putahi, he kakahu kuri. sTuaumutia:—Karakiatia.
eßua-i-te-hihiri : He tohunga no nga mahi raranga, whatu. ?Taumahatia: kia matara nga tapu. sKawitiwiti;—Kia tatahi. 9 Katoatoa : Kia piri. 'oßaumati-ninihanga: kiia ana ko te tipuna nana aTe Arawa i tahu.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19290401.2.12.3
Bibliographic details
Ngā taipitopito pukapuka
Toa Takitini, Issue 92, 1 April 1929, Page 4 (Supplement)
Word count
Tapeke kupu
404162.—HE ORIORI MO TE PARE-KANGA. Toa Takitini, Issue 92, 1 April 1929, Page 4 (Supplement)
Using this item
Te whakamahi i tēnei tūemi
See our copyright guide for information on how you may use this title.
Log in