172.—HE WAIATA TANGI.

Toa Takitini, Issue 92, 1 April 1929, Page 13 (Supplement)

172.—HE WAIATA TANGI.

Na Tutemahurangi. (N’Haua). Na Te Taite Te Toma i whakamarama. Ko Tutemahurangi no Ngati-Haua i Taiimarunui ra. He tangi tenei nana mo tana tamaiti mo Te Hokio, i wera i te haerenga o ona matua ki Whanganui kite hi tuna. Na Riwai Te Ruakirikiri, mokopuna a Tutemahurangi, i korero ki a Te Taite.

(Ref.: Taite 40).

Tai o Koroki, e i, Tangi whakapuai, whakaraorao ana, Ki roto Mangawai. Patua te kakara nga uru 1 tawairiki. E Tama! Ngaro noa i roto i a Pipori, Kihai koe i uhia kite kahu patiki, Kite po whakarua, kia lioki mai ai To lira ki Wairau, na i..., • Ngaro noa taku tau i te huakanga ata, Te whakarewanga mai te tara ki Whakaahu,* Hokio, 3 manu ra e huliu i te rangi. E tia taku ipo ka warea e te moe. E piki, e tama, te ara o Tawhaki He ara kai ariki, na i... Hoaia to tapuae ko te ihi o Tu, Tenei to maro ki whitikia atu Koutu 4 wharawhara, kia pai atu koe Te whakawaia mai te wahine 5 Oti-Rua, I te kapa ka whati i runga o Taniko, Ki to matua ra, kia turia koe Te whare o Uenuku, kia horahia iho Kite takapau kura, Ki te putahi ki a Rehua, e i.. Taku pohoi toroa ka rehua e te kohu; Taku ate hoki ra he rau nga mahara I tokotokona ai e nuku kia mamao. Me tauhi koe ki te wai taramea, Kia kaukau koe i te wai o Mapuna, He wai puna tea, na i.. Taku tiki pounamu ko te huanga anake; Taku koko tangiwai ka motu i te taringa; Taku rake® tihauora nau i tamoe, Moeke ana koe i raro i te reinga. Me uta atu koe kite waka rangaranga; ‘A ura to kiri, me wai titoki, Hei kaukau ake i te hono mokai, Ake a te hoa; tirohia iho ra Taku kahui tara, tena whanatu na. Whaowhaoa mai ra to takapu iti Ki te kai ote wai, na i... Me kohi e an te kora 7 o Mahuika, I hurihuria ai to kiri haepapa. To uru makaka ka piua-e te hau, Taku tamaiti, e i!

'Uru tawairiki; E rua nga ahua tawai, he mangu tetahi, he ma tetahi he ngongohe nga rau. Ko te mea ma te uru tawairiki.

2 Whakaahu: Kei roto o Whanganui, he whenua. 3 Hokio: Ko te tamaiti. *Koutu wharawhara: Ko nga awekotuku, nga pare o te keke. sOti-Rua: Ngati-Ruaka no Whanganui me Hiruharama, &c. 6 Rake tihauora: Ko te rake he pu rakau, he pu iwi ranei. Ko te tihauora he momo ti kouka nei. 7 Kora o Mahuika: He ahi.