HE MIHI NA TE PIHOPA.

Toa Takitini, Issue 88, 1 December 1928, Page 890

HE MIHI NA TE PIHOPA.

Ki aku iwi i tena wahi i tena wahi, tena koulou katoa. Aku hoa minita i tena pariha i tena pariha, kia ora koutou katoa. Tenei ahau, kua karangatia net hei matua mo koutou i roto i te Hahi, te mihi atu nei, te tangi atu nei ki a koutou. Tena koutou me a koutou manaaki nui i a au. Koutou, i tae mai nei kite mau mai i to koutou aroha i te ra o te Karakia Whakawahi, koutou i tuku waea mai, reta ranei hei putanga mo a koutou mihi, kia ora koutou katoa. Nga tumanako a o tatou matua, tae mai ki tenei whakatupuranga i a tatou nei, kua tutuki i tenei ra. Kua homai te whao wairua ki o tatou ringaringa ake pupuri ai. Kua mutu nga ra o te tauiratanga, kua tohunga tatou i tenei ra. Tena, me pewhea he whakairo ma tatou? Kua eke tatou ki runga i to tatou waka Maori. Me pewhea te whiu o te hoe? E nga iwi o te motu, kia aroha tatou ki a tatou. Kua morehutia tatou. Kaati ra te wehewehe i a tatou. He taonga nui rawa tenei ka homai nei ki a tatou e to tatou matua i te wahi ngaro. Kaore i homai hei honore noa mo tatou, engari

hei huarahi mai mo ana manaakitanga wairua ki roto i o tatou ngakau. He manaakitanga mo te iwi Maori kei tenei whakaaetanga mai i te Pihopatanga mo tatou. Noreira ahau ka inoi kia koulou katoa kia kaha te awhina mai i te taha wairua o a tatou mahi. Ki to tika hoki te tali a wairua, ka tika hoki te taha tinana. E ki ana hoki a Te Karaiti “Matua rapua te rangatiratanga o te Atua, ka tapiritia mai enei mea katoa ma koutou.” Ko aku mihi ki tena iwi ki tena iwi, me waiho kia tae atu au ki o koutou marae