135.—HE MATAKITE.

Toa Takitini, Issue 88, 1 December 1928, Page 132 (Supplement)

135.—HE MATAKITE.

Na Uhia. (Tuhoe). Ko Uhia no tera hapu o Tuhoe, no Tamakaimoana, e noho ra i Maungapohatu. Ko ia te kauwaka o Te Rehu-o-Tainui, he atua ngau tangata, he atua mo te riri. Ko tera atua ton a take mai he whakatahe no tetahi wahine o Tamakaimoana, ko Rehutu te ingoa; ka kiia taua whakatahe ko Hope-mutu. No muri ka noho ko te moko kakariki hei aria mo te Rehu-o-

Tainui, a ka tupu tana alua hei atua ngau tangata, hei atua mo te riri. Ko nga matakite a Uhia he maha; ko te waiata nama 19 tetahi ki te ki a Te Peehi. Ko tenei tetahi, e kiia ana he kite nana mo te whawhai a Tuhoe raua ko te Whakatohea i Te Kahikatea. Kei te B. 3/47 e kiia ana he tangi tawhiti tenei na Te Whatupe. He penei te korero a Paitini Wi Tapeka i reira: — “Ka man a Te Whatupe i te herehere, ka heria e te Whakatohea i te huarahi Katahi ka ki atu te tangata ra, a Te Whatupe, ‘Tangi tawhitia ra tatou.’ Katahi ka ki mai a Te Whakatohea, kaore ratou e mohio. Ka ki atu a Te Whatupe, ‘Kati! Maku. Ana! Kua timata ra.’ (Ref.: J. 6/45, B. 3/47). Pu' rakau e tu mai nei, e! Kia atea! 2 Tukua atu au, kia rere ra, Hai kata ma te marea, Hai ki noa mai, e! He ringa hoki tona? He toa taua hoki, Kite kai, e. Tukua tera kia man i tana ake ra, Hai tiokaoka, 3 e. Mo te komata o te rangi E tu nei, na. >Pu rakau:— etahi, ‘uru rakau.’ zAtea:—Ki etahi ‘atea,’ ko taua kupu ano. zTiokaoka:— etahi kite waiata, ‘tihokahoka,* engari c he ana tera.