93.—HE APAKURA.

Toa Takitini, Issue 88, 1 December 1928, Page 82 (Supplement)

93.—HE APAKURA.

Na Ngati-Porou. Kei te ngaro te tangata nana tenei waiata i tito. He tangi apakura tenei ki nga tai-tamariki rangatira, no nehera mai. (Ref.: T. Turi p. 7). Hare ra, e hika, koutou ko o n^atua. Unuhia i te rito o te harakeke, Ka tu i te aroakapa. Aku nui, aku rahi, e, Aku whakatamarahi kite rangi! Waiho te iwi, mana e mae noa! Kia mate ia nei koe, e hika, Ko Atamira 1 te waka, ko Hotutaihirangi, 2 Ko Tai-o-puapua, ko Te Raro-tua-maheni, 4 Ko Araiteuru, 5 ko Nukutaimemeha; 6 Ko te waka i hiia ai te whenua nui nei. iAtamira: He kupu whakarite, ko te ahua ko te takotoranga o te tupapaku, e kiia nei he atamira. zHotutaihirangi: Ki etahi reo, ‘Hotuteihirangi.’ Ko te ingoa tera o te waka o Whiro. He ingoa whetu ano hoki. zTai-o-puapua: Kei te ngaro tenei. «Te Raro-tua-maheni: Kei te ngaro tenei. sAraiteuru: He waka tenei e kiia ana i u kite Waipounamu, i takoto ki Matakaea. Ko etahi o nga tangata o runga ko Kirikirikatata, Aroarokaehe, Mangaatu. eNukutaimemeha: Ko te ingoa o te waka o Maui-Potiki, i hiia ai te Ika-a-Maui. E ki ana a Ngati-Porou i whaka-kohatutia, kei runga o Hikurangi maunga e taupoki ana.