NGA MOTEATEA

Toa Takitini, Issue 88, 1 December 1928, Page 79 (Supplement)

NGA MOTEATEA

Ko nga waiata e iwa tekau i taia i era tail, hei tapiri ki te Toa Takitini, kua whakapukapukatia, a kua tapaia houtia ko “Nga MoteateaPart I.” He maha nga waiata kaore i taea te whakauru ki tera ropu, i te mea e akiakitia ana te pukapuka kia puta, hei korero ma nga tamariki, e man ana i te Reo Maori mo te whakamatautauranga a te New Zealand University. Na reira ka haere tonu te panui o nga waiata i te Tapiri nei, a ka huaina te ropu ka timataia nei i tenei marama ko “Nga Moteatea —Part II.” Kia mlaha enei ka whakapukapuka ai ano; a, hei muri atu pea ka kitea ano etahi atu waiata. Na, ka haere tonu ta tatau whakawhaiti i enei o nga taonga a nga tipuna. Ko te inoi atu a te tangata whakahiato, kia tukua mai a koutou whakahe, whakamarama ranei, whakatikatika ranei. Hei muri rawa atu ka tirotiro hou ai i nga waiata nei, ina kaupapa mai nga whakahe a nga iwi; a hei reira whakatikatika ai. Na A. T. Ngata. Poneke, Hepetema, 1928.