98.—HE WAIATA AROHA MO TE ATOPAKI

Toa Takitini, Issue 88, 1 December 1928, Page 86 (Supplement)

98.—HE WAIATA AROHA MO TE ATOPAKI

Na RANGIRAE (Rongowhakaata). Na Miria ( Hikihiki ) Turoa i whakamarama. Ko Rangirae he wahine no Rongowhakaata i moea e Renata Te Atopaki, papa o Wiremu Te Purewa o Ruatoki. Ko Ani Te Kairangatira te wahine tipu a Te Atopaki No te moenga i a Rangirae ka mahue a Te Atopaki i a Ani, ka haere tera wahine ka hoki ki a Tuhoe. Ka makona a Te Atopaki i tera wahine i a Rangirae, ka hoki a Te Atopaki ma Waikaremoana, ka whai i te wahine tipu. Ka wahi na a Rangirae i muri a tae noa ki Te Ahimanu, kei te ara tawhito atu i Te Arai, i Turanga, ma Whakapunake ki Hangaroa. Kei reira ka hoki mai te wahine ra. Ka tae mai kite kainga, ka rongo i te tangata e korero ana mona, ka titoa te waiata nei. (Ref.: B. 3/16). 1. Te pikitia ai ki Te Ahimanu nei, e, Marama te titiro, e; Auahi ka patua ki Whataroa 2 ra ia, Ko te ara o te ipo, e. Ka riua ia koe te tai ki Waikare, Ka mutu au te manako, i. 2 Whakarongo ki waho ra, ko au te waua ana, Te ai he kai ke; Mo taku whakakenga te ra e whiti nei, e; E ai te haonga ika, e E titi mai ra i Whakawhitira 4 ia, Ka takoto i te tahua. Na 5 wai ra to haere i haramai toitu, e Ka haramai ka ninihi; Ka haramai ka papare koe hua 6 torea, E toko i te akau. Ko wai te pai e i rite ki Kinaoki 7 , E tu mai waho nei. 4. Naku ano i uta kite makau tangata I taku tinana, i, Ka tuku mai nga peru nou ra, e Ani, 8 Mate rawa hokai au, i. 5 E kui ma e! ka kino ia ‘hau Te mamae o roto, e. Me kai kite rongoa kia mate au, e Te whakamamae roa, e. Naku 9 ia na koe i tuku kia haere, I waua ai au, i.

'Te Ahimahu: Kua whakamaramatia i runga ra. zWhataroa: Kei waenganui o RuakiturJ o Waikare-taKeke, kei te ara tawhito ki Waikaremoana. I patua a Karaitiana Rotoatara ki reira i te wa o te whawhai Hauhau. sWaikare: Ko Waikaremoana. : E tata ana kite ngutuawa o Waipaoa, kei te tarawahi tuaraki mai ■ Okirau, e tata ana ki Pakirikiri. SNa wai ra: Tirohia te M. 15 1, e rite tonu ana tetahi whiti ki tenei. sKoe hua torea: Haramai ai te tane ki a ia ma te one. vKimoki: He toka kei te one i Pakirikiri. aAni: Ko Ani Te Kairangatira, te wahine tipu a Te Atopaki. sNaku etc.: I etahi waiatatanga ka uru mai enei kupu i a Hikihiki:— Tana tukunga mai ka raru nei au Ka paea kite whare i.