71.—HE TANGI MO TE WANO.

Toa Takitini, Issue 88, 1 December 1928, Page 39 (Supplement)

71.—HE TANGI MO TE WANO.

Na RAH I. gati-Apakura, gati-Maniapoto.) Na Te Taite Te Tomo i wkakamarama. Ko Rahi no Ngati-Apakura, hapu o Ngati-Maniapoto. Hei tungane whanaunga ki a ia a Te Wano, no Ngati-Apakura ano, I haere mai a Te Wano ratau ko etahi o tona iwi ki Titiraupenga nei; kei reira ka pangia e te mate karawaka, matemate tonu atu. Na Takarea raua ko Te Kahui, he tuahine ki aTe ‘Heuheu Tukino M.L.C., a na Te Iwiheke, he wahine rangatira no NgatiTuwharetoa i korero ki aTe Taite. Ko Wenerata Te Heuheu, he tamahine na Te Heuheu Iwihau, kite waiata haere i tenei waiata i te rohe o Ngati-Tuwharetoa; na reira ka pohehetia nana tonu taua waiata. Ko te whiti tuatahi o te waiata nei te mea e tino waiatatia ana; a, e kiia ana hoki e etahi na Te Kooti Rikirangi. Kei te waiatatia ano te whiti tuarua, engari kaore i te v/hanui te mohio ote tangata ki tera. Ko te whiti tuarua nei e kore e taea te kawe na etahi iwi ke; a ko taua whiti kei roto i te pukapuka a McGregor (S. 17 & 18) a i etahi hoki e waitohutia i raro nei. Ko te kaupapa i raro nei na Te Taite i tohutohu. (Ref: S, 17 & 18, S2. 60, B. 3/161, B. 4/71 W. L.Wp. 109, T. Turi p. 12.) E pa to hau he wini l raro, He homai aroha, Kia tangi atu an i konei; He aroha kite iwi, Ka momotu ki tawhiti ki Paerau 2 . Ko wai .e kite atu, Kei whea aku hoa i mua ra, I te tonuitanga? Ka haramai tenei ka tauwehe, Ka raungaiti au.

E ua e te ua, e taheke Koe i runga ra; Ko au ki raro nei riringi ai Te ua i aku kamo. Moe mai, e Wano 3 , i Tirau 4 , Te pae kite whenua, Ite wa tutata kite kainga, Koua hurihia. Tenei matou kei runga kei te Toka ki Taupo 6 , Ka paea kite one ki Waihi 7 , Ki taku matua nui, Kite whare 8 koiwi ki Tongariro, E moea iho nei. Hoki mai e roto kite puia Nui, ki Tokaanu, Kite wai tuku kiri ote iwi, E aroha nei au, i. !Wini. Ko te kupu pakeha “ wind,” he hau. Ki etahi “he muri raro.” 2 Paerau.—He ingoa kei te Rerenga Wairua. 3 Wano. —Kua whakamaramatia i runga ra. 4 Tirau. He whakapotonga no Titiraupenga. Tirohia te waiata nama 41. Koua hurihia.—Kua whakarerea iho i te mea kua mate ia a Te Wano. Toka ki Taupo. —He toka kei waho o Waihi, i Tokaanu, ko Te Pa-o-te-Rangiita te ingoa. 7 Waihi.—Kei Tokaanu, Taupo. B Whare koiwi. 1 haria hoki aTe Heuheu nui ki runga o Tongariro, i te matenga ai i te horo i Te Rapa.