48.—HE WAIATA MO RIRIPO.

Toa Takitini, Issue 88, 1 December 1928, Page 11 (Supplement)

48.—HE WAIATA MO RIRIPO.

Na TOPEORA. (Ngati-Toa, Ngati-Raukawa.) Na Te Taite Te Tomo i ivhakamarama. Ko Topeora he tamahine na Te Rangihaeata; na, ka mokopuna ki a Te Rauparaha, he iramutu hoki no tera a Te Rangihaeata. No te hokinga atu o Ngati-Maniapoto i Rangiuru (kei te ngutuawa o Otaki) ki Rangitoto (kei te* Rohe-potae) ka ngau te aroha i a Topeora ki a Riripo, ka tangihia e ia tenei tangi. He wahine tau-titotito a Topeora; he maha ana waiata i tito ai, kei ona iwi, a kei te motu e waiatatia ana. Ko Riripo no Waikato, hei tungane ki a Topeora. (Ref: M. 15, S3, p. 67.) *Rangi korerehu i marewa atu ai, Tahuri mai hoki korua ko to kanohi. ’Wai hoki te mea ka rina ia ra ki to wahine; 2 Taea te homai hei whakaara i taku moe. Whano ka hurihia te tira o Riripo. Kore tohunga mana hei wehe 3 kite wai, ’A hemo ake ai te aroha i ahau. Nau mai, e te hoa! I kawea ake au Nga rere tangi mai o te Wai-kohatu, 5 Kia tutaki ake ko koe na e Te Hika. 6 Tito te taiapo na Karanga 7 te tau, Kei hoatu hoki hei pae takuahi. Hohoro i aku ngutu, e man ana te tinana.

*Ki ta McGregor (53. 67) kei te timatanga ko enei kupu: *Ra Tawera ka mahuta i te pae; Au ki raro nei huri ai kite whare. Taria e te hoa! kia tirohia atu Ai to rerehua. *To wahine. Ki ta McGregor ‘to whenua.’ 3 Wehe ki te wai. He mea ata karakia e tetahi tohunga te wehenga ito aroha, kia mauru ai; karakia ai ki te taha o tetahi wai. 4 Ki ‘Nga Moteatea’ e penei ana, “Tu mai e koro”: ki ta McGregor ‘Nau mai e Tiki.’ Na Te Taite Te Tomo, ’Nau mai e te hoa.* s Waikohatu. He awa kei Te Horo kei te taha tonga mai o Otaki. •E Te Hika. —Ki etahi ‘E Te Hinu.' Ko Te Hika-pounamu he wahine no Ngati-Raukawa. He wahine no Ngati-Raukawa.