46.—HE WAIATA AROHA MO TE TOKO (TE MAHUTU).
Na Rihi Puhi-wahine. (Ngati-Tuwharetoa.) Na Te Taite Te Toma i ivhdkamarama. Ko Rihi Puhiwahine he wahine no Ngati-Tuwharetoa; engari ko tetahi taha ona no Ngati-Maniapoto, no Ngati-Toa. I whakawhaiaipo ia ki a Te Toko, ara, Te Mahutu, he rungatira no Waikato, no Ngati-Maniapoto. Ka rangona atu e nga tungane kei te pera to ratau tuahine ki tana rangatira, ta tikina atu, ka whakahokia mai ki tona whenua tipu.
I waiatatia atu e ia te waiata nei i Owairaka, he kainga kei te takiwa o Maungatautari, kei waenganni o Parawera o Aotearoa. Hei reira hoki ka titiro atu ki Kakepuku maunga etu ana mhi i te tapai o te repo o Kawa e tata ana ki Te Awamutu; a kei ko atu ko Pirongia.(Ref: J. 8/118, Si. p. 13. Tr. 3/471, T. Turi p. 20.) / Ka eke ki Wairaka 1 ka tahuri whakamuri, Kaati ko te aroha te tiapu i Kakepuku, 2 Kia rere arorangi te tihi ki Pirongia; Kei raro koe Toko, 3 taku hoa tungane. Naku ano koe i huri ake ki muri; Mokai te ngakau te whakatau iho, Kia poruatia e awhi a kiri ana. Kotahi koa koe i mihia iho ai, . Ko taku tau whanaunga no ’Toa* i te tonga, No ’Mania 5 i te uru, ka pea 6 taua. I ngakau nui ai he mutunga mahi koe. Kati au ka hoki ki taku whenua tupu. Ki te wai koropupu i heria mai nei I Hawaiki ra ano e Ngatoro-i*rangi, 7 E ona tuahine Te Hoata-u-Te-Pupu; 8 E hu ra i Tongariro, ka mahana i taku kiri. Na rangi mai ano nana i marena Ko Pihanga 9 te wahine, ai ua, ai hau, Ai marangai kite muri-e. kokiri!
Wairaka.—Ko Owairaka, kua whakamaramatia i runga ake nei. *Kakepuku.—He maunga kei te tapa o te repo o Kawa, e tata ana ki Te Awamutu. *Toko. —Ko tetahi ingoa ko Te Mahutu, he rangatira no Waikato, no Ngati-Maniapoto. *Toa. —Ko Ngati-Toa. s Mania. Ko Ngati-Maniapoto. 6 Pea. —He kupu pakeha ‘pair’: ara ka taurite raua. 7 Ngatoroirangi. —Ko te tohunga nui o runga i Te Arawa. *Te Hoata-u-Te-Pupu. —Ko Te Hoata ko Te Pupu nga tuahine o Ngatoroirangi. laia i mate ai ite Kuka i runga o Tongariro, ka karangatia ki ona tuahine kia haria mai te ahi tipua i Hawaiki; koia nga puia. •Pihanga. He maunga kei Tokaanu, Taupo, e kiia ana i tautohetia • nga maunga nunui e Taranaki, e Tongariro, a riro ana i Tongariro. Ko te Pukeronaki ta raua tamaiti.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19281201.2.16.7
Bibliographic details
Ngā taipitopito pukapuka
Toa Takitini, Issue 88, 1 December 1928, Page 8 (Supplement)
Word count
Tapeke kupu
42146.—HE WAIATA AROHA MO TE TOKO (TE MAHUTU). Toa Takitini, Issue 88, 1 December 1928, Page 8 (Supplement)
Using this item
Te whakamahi i tēnei tūemi
See our copyright guide for information on how you may use this title.
Log in