58.—HE WAIATA AROHA MO PETERA TE PUKUATUA

Toa Takitini, Issue 88, 1 December 1928, Page 22 (Supplement)

58.—HE WAIATA AROHA MO PETERA TE PUKUATUA

Na KAHOKI. (Ngati-Raukawa.) A’a Te Tdite Te Tomo i tohakamarama. Ko Kahoki he tamahine na Topeora, no te kawai i a To Rauparaha, ia Te Rangihaeata. I waiatatia ki Otaki; he waiata aroha ki a Petera Te Pukuatua, he rangatira no NgatiWhakaue i Ohinemutu, i tona hokinga ai ki tona whenua. Ko te take o te waiata nei mo nga puhaehae a Ngati-Raukawa ki a Kahoki, ka tangi ia ki tera iwi ona ki a Te Arawa. (M. 118, Si. p. 20, T. Turi p. 31, W.L.W. p. 72.) Te roa o te po e oho ai au, He rau te hurihanga i konei Tukino; 1 Tou hohoro mai i te hinapouri, Ko te ahua kau i kitea atu ai. Whano rawa ka nunumi, he wairua haere; Kai roto mai te papaki, kia man rawa mai, Hei 2 hoa pono koe moku nei kite whare: Naku i moe iho ko to wairua tonu. Tera te pukohu tairi ana mai Te tara ki Tautari, 3 kia tangi atu au. Me tangi, me aha to makau ka wehe; Taratara 4 rawa koe i taku tinana nei. Ka riua ia koe nga 5 hiwi ki Tairi 6 ; Te hoki mai te manako, huri atu ai koe, e. Koangi hau-raro 8 i tuku mai i te hiwi Ki Ngongotaha 9 ra, te hoha 10 noa Taku nei titiro te puia i Whakahinga; 11 Tu mai i kona, ma te hautonga koe E whiu ki te rae o Tahere 12 ra ia. Whai noa atu ana, ka huri atu na koe, e.

l Tukino.Ko Pete ra Te Pukuatua. J Hei hoa pono. —Kaore enei rarangi e rua i roto ita T. Turk 3 Tautari.—Ko Maungatautari. 4 Taratara.—Ki etahi * whakatara.’ Ki etahi *Ka mamao.’ s la koe nga. Ki etahi * tenei te.’ 6 Tairi.—Ko Otai he puke kei waenganui o Rangitikei o Patea. "Ki W.L.W. p. 72 e penei ana: ** Koi hoki au te manako Uru atu ai au-u!” B Hau-raro. Ki etahi ‘hautonga.’ Eki ana aTe Taite ‘ hauraro’ i waiatatia atu hoki i runga nei i Otaki. 9 Ngongotaha. Ko te maunga i Rotorua. 10 Hoha noa.—Ki etahi * hoha mai.’ 11 Whakahinga. —He puia kei te taha hauauru o Utuhina awa i Ohinemutu. 12 Tahere. Kei te taha hauauru atu o Kawaha i Rotorua.