NGA MIHI MO TE PIHOPA O AOTEAROA.

Toa Takitini, Issue 88, 1 December 1928, Page 891

NGA MIHI MO TE PIHOPA O AOTEAROA.

.. :i Atirikona Cowie, Hamutana. Kia tau nga manaakitanga a te matua ki a koe i te ra i whakawahia ai koe, a nga ra hoki e heke iho nei. Na Atipihopa Julius, Christchurch. Kei te inoi tonu ahau kia tukuna iho nga manaakitanga a te Atua ki a koe. Mana koe e awhina. Na te Mission Chaplain, Ratana Pa. He nui te mihi mou ka tu mai na i tena taumata honore, i tau ai ki a koe te karangatanga hei Pihopa tuatahi mo te iwi Maori. Kia tau nga manaaki ate Matua ki a koe i runga i au mahi katoa. Aroha nui.

Akarana Maori Association. He tuku atu tenei i a matou mihi mete aroha ki a koe i tenei ra i whakawahia ai koe hei Pihopa mo matou. Ko te tumanako kia maha nga lau e noho mai ana koe hei kai-hautu mo nga whakahaere e pula ai he ora mo to tatou iwi Maori. Atirikona Dart Nelson. Kei te mihi, kei te inoi mou, o hoa e noho atu nei i Nelson Rev. Tangohau. Haw a, Tolaga Bay. Kanui te pouri mo te korenga e tae atu i te mate. Kei te mihi atu nga tangata o Whangara me Te Hauiti ki a koe, me le inoi kia lau nga manaakitanga a le Alua ki a koe i te ra i whakawahia ai koe. Na Te Puea, garuawahia. Tena koe i te manaaki nui a nga iwi e rua. Ma te Atua koe e tiaki. Na Tau Henare, M.P. (Kia Ta A. T. Ngata). I runga i te konohi o te ngakau ki tenei o tatou matua kihai i taea te haere atu. Hoatu ano te aroha ki te Pihopa o Aotearoa. Tena koutou. Na Tahupotiki Haddon, Hawera. Tena koe te whakaatanga pihopa o te Hahi o Ingarangi kite iwi Maori o Aotearoa. Ma te Atua koe e arataki i nga ra katoa. e Na Hon. .K. S. Williams, M.P. Kanui te pouri mo toku korenga e ahei te haere atu kia kite i te whakawhinga i a koe hei Pihopa Maori tuatahi mo Aotearoa. Ahakoa ra ko te tinana anake i mahue iho nei, ko nga whakaaro kua riro atti kite autoko ita tatau taonga. Kia ora koe mete iwi. Na Taiporutu Mitchell, Te Puke. Ahakoa kei te ngaro ahau ko aku whakaaro kei a koe tonu i enei ra. Kia kaha kia tatau. Kanui te aroha atu. Na Ilenare Rum me Tutepuaki mete Aitangcea-Mahaki. Ahakoa kaore e tae tinana atu kei te mihi kei te koa te Ngakau kua meinga ko tetahi ano o te Iwi Maori hei upoko mo te Hahi, te taonga i manaakitia e nga tini rangatira kua heke ki te po. Kia ora tonu t e Pihopa. Ma to tatou Matua i te rangi hoe e atawhai, mana e homai he maramatanga e tutuki ai te iwi ki runga ki tana kupu. Heoi tatau tatau. Herepete Rapihana me Te Rarawa katoa Kaitaia. Kia mau iho ano nga manaakitanga a te runga rawa ki ki runga ki a koe me nga iwi katoa e tae atu ki te ra e whakawahia ai koe. Heoi na o pononga i tenei wahi Na Mutu Kapa, Te Rarawa.

Tena koe. He kupu mihi atu ki a koe mo to ra e whakawahia ai koe hei Pihopa mo to iwi Maori. Noreira i te mea kaore i taea te haere atu ko nga mahara katoa i roto i te wairua kei kona katoa tatou. Ma te Atua tatou e awhina i roto i nga mahi mo te ra apopo. Kia tau ano te rangimarie ki nga iwi katoa e tae atu kite marae ki te whakanui i nga mahi e rite ana i roto i te Ariki. Ma te Atua koe e manaaki e tiaki i te ra o to motuhanga hei Pihopa tuatahi mo te iwi Maori. E tu ra i runga i te whakapono. Whakatane, kia kaha. Whawhaitia te whawhai pai 0 te whakapono. Ma Ihowa e tiaki to haerenga atu me to haerenga mai, aianei, ake, ake. He nui te pouri mo te korenga e tae atu. E tumanako ana te whakaaro kia tae mai koe ki enei takiwa i te tau hou. Teihi Paerata, Ruatoki. I te nui o nga raruraru e kore c tae atu. Ma te Atua koe e tiaki. IS a Tui. Ruatoki (Ki te Pihopa o Waiapu). Kei te pouri mo te korenga e watea ki te haere atu. Kia tau nga manaaki kite Pihopa Maori. Na Tutepuaki me Te Rangikawhiti. Turanga. He nui no nga raruraru i kore ai e watea kite haere atu. Ko nga mahara me te wairua kei kona katoa. Tena koutou. Na Barnard, M.P., Helensville. Te mema hou mo Nepia. He nui te mihi mou ka karangatia ki tena turanga tapu. Ko te tumanako kia nui nga hua papai e puta ki te iwi Maori 1 runga i au mahi. Kanui taku pouri mo te kore e watea kite haere atu i te ra o to whakatapunga apopo. Na Torn Rupuha Ashford, Ratana Pa. He nui te mihi mou ka tu mai na hei Pihopa mo te iwi Maori. Kia tau ki runga ki a koe nga manaakitanga a te Wahi Ngaro. Kia ora. Ila Te Kanapu Haerehuka, Ratana Pa. Kei te mihi atu matou ki a koe mou ka tu mai nei hei Pihopa tuatahi mo te iwi Maori. Kia tau nga manaakitanga a te Runga rawa ki a koe i tenei wa tae noa kite mutunga o tau mahi. Aroha nui. Na C. Broad, Tumuaki o te Kareti i. Nelson. Kei te mihi atu to Kareti tawhito ki a koe i tenei ra. Na te Pihopa Awhina, o Sydney, N.S.W. Kei te mau tonu i roto i oku mahara nga hui atahua i Rotorua. Kei te inoi tonu ahau mou kia manaakitia. Na Rev. and Mrs Coats, Akarana.

Aroha nui. Ko o maua mahara, me a maua inoi kei a koe katoa i tenei ra nui. Kia kaha kite arataki ito iwi Maori ki a Te Karaiti. Na Rev. Fraer , Christchurch. Kei te inoi taku pariha mete kareti oTe Waipounamu kia tan nga manaakitanga ate Aina ki a koe kite iwi Maori hoki i tenei wa. Kia ora tonu koutou. Na Rev. Smith , Tolaga Bay. Kei a koe katoa o matou whakaaro m e a matou inoi i tenei ra. Ma te Atua koe e manaaki e tiaki. Kia tau nui ki a koe tona Wairua Tapu. Na Hon, J. G. Coates, kia Hon. Sir Apirana Ngata, Pakipaki. Na nga raruraru o tenei wa i pupurl iho. Ko te hiahia ia kia tae atu kite whakawahinga oto tatau Pihopa Maori. Otira ahakoa kore te tinana e tae atu, ko nga mahara kei kona mete tumanako kia tupono te tutuki o nga wawata o nga ra ka huri nei kia riro ma tetahi Pihopa Maori ake e whakakotahi, e ranhi to tatau Hahi Maori o Ingarangi i Aotearoa nei Hoatu aku mihi ki to tatau Piliopa Maori. Tena koe me nga Iwi kua hui mai na kite manaaki ita tatau taonga. Na Via W ail ford, Hiruharama. Nekeneke te manu ki runga kite pae ka koroki e koa ana e hari ana mou ka eke ki tena tuunga whakahirahira. Taitoko aku matua ora katoa mai. rewarewa, Noema, 26, 1928. Kia Rev. F. A. Bennett, Tena koe, Katahi ano taku nei mihi kia koe mou kua karangatia nei *te Tuianga nui, kite Turanga tapu ote Hahi, hai Pihopa tuatahi mo te Hahi o Aotearoa. He nui te koa o te ngakau mou i whiriwhiria hai tuatahi mo tauamo te tangata Maori kite tu i tena Turanga Tapu. No konei i tumanako ai te ngakau kia roa koe 0 tu ana i tena turanga, ko au mahi, ko au whakahaere i runga i te pai, i runga i te marama kia waiho hai tauira ma te hunga e haere mai ana i muri mo tena turanga; hai whakaatu hoki kite Hahi pakeha kei te tika tonu taua te Maori kite piki i tena Turanga nui. No, reira kia manawanui, kia marama ko la ano hai arahi ia koe i tena Ara hou. E mihi 5? a , a * ana hoki ki nga tangata katoa oto kainga o te Kohupatiki mo to ratou manaaki ia koe, ara ia koutou ko

to whanau, me to ratau piri pono i roto i nga tau i potato ai te motu katoa i nga tau tutata ka hori nei. E mihi atu ana ano hoki ki nga Ranga lira katoa o N. Kahungunu tae atu ki o ratau hapu, na ratau nei koe i awhina i runga i nga mahi i kite whanui ai nga Kaumalua o te Hahi, ko koe rawa hai tu tuatahi i tenei Turanga. E mihi ana ano hoki ki a Ta Apirana T. Ngata mona i kaha ki te whawhai kiariro mai tenei taonga nui ite Iwi Maori. Heoi ra, ahakoa kaore e tae atu i te ra e whakawahia ai koe, ko nga mahara kei a koe tonu i taua haora. Ma te Manaakitanga a te Matua i te wahi ngaro, koe e whakakaha i taua Haora Nui. Raimona Heretaunga. Psa. Hem-ana Pokiha, Maketu. Tama Ra e! Tama Ra koe. “He mca i te mate kua ora, i te ngaro kua kitea.” Whakaihi ake ra i tua i te tihi o nga maunga whakaataata mai ra i' tua o Hawaiki i te Pae-ki-Tawhiti, whakaarahia ake te ahuatanga o to tupuna o “ Puhaorangi” i huaina ai ton karangatanga i te ao-turoa ko Te Heketanga-a-Rangi.” E tata ana tenei ki te 2000 tau e ngaro ana ki runga i te kare o nga wai, e hiina ana ki tua o nga kapua ote rangi. Heoi i tou aranga mai i tenei ra ka hahua mai te mea mate ka kite mai te mea ngaro; i kapohia ai e te 4 Wa’ kia horahia 4 Tona ? puawaitanga ki ‘Aotearoa’ ka hipokina nei te ingoa tuatahi o tenei reo tapu “Pi ho pa” ki runga ki tou iwi Maori. Ehara i te reo no te whemia engari no runga no nga kapua, ka hurahia nei e koe te lauarai o nga rangi i makere iho ai te ingoa o to tupuna o ‘‘Puhaorangi ki runga kia koe. Kia ora korua ko to mokai me ta korua whanau katoa ka taupokina nei ki te karangalanga o Koutou tupuna ; *Te Heke-tanga-a-Rangi. E kui e Rangi me whawha noake e au te kupu a to tupuna a ‘ lrihapeti * hai korerorero, ma to ngakau hai koa natu hoki ma o matua mokai i tawhiti:— “Ka whakanui toku wairua i te 4 Ariki,’ a. e hari ana toku wairua kite Atua, ko toku 4 Kai whakaora; mona i titiro kite iti o 4 Tana’ pononga ta te mea hoki katahi ahau ka kiia e nga whakalupuraiiga katoa c haere ake nei, he wahine hari.” Ka riro atu nei koe ma te maru o to rangatira e arahi tahi atu ki tena nohoanga tapu ki te Tuaahu e motuhake ana hai taumata mo nga Ruanuku. Noho mai ra i roto i nga whare

whakairo i motuhia ai hei nohoanga mo te hunga i whiriwhiria. Ma te “Kai Hanga i Runga Rawa korua ko ta korua whanau katoa me to korua whare katoa e manaaki e tiaki e arataki hoki i roto i nga maramatanga e taea ai e korua te pakanga ki nga mahi o tena Pa-tuwatawata. I runga ano hoki i te ‘lngoa' Kaha o to tatau ‘Kai whakaora’ o *lhu KaraitV Amine.