MO TE POOTI.

Toa Takitini, Issue 87, 1 November 1928, Page 873

MO TE POOTI.

He reo no Tuhoe. Ki nga iwi o Te Tai-rawhiti, o Aotearoa katoa, kaua hei whakalu mema, mo te Tai-rawhiti, Tai-hauauru, Tokerau ranei. Kei hea atu ano nga kaupapa e whakatu ai ano koutou i etahi mema mo tatou. Na Ta Apirana Ngata, na Ta Maui Pomare, na Tau Henare tenei kaupapa kua hoki mai nei nga waahi o te Motu i riro parau atu i te Kawanatanga. Kua hoki mai te hawhe o nga whenua raupatu. Ka whakatu ano te tangata i a ia, haiaha ra? Ka ono tekau tau o tatau matua e tohe ana ki te Kawana, kihai i taea. Kaati, te tohe. MO TE PIHOPA. E nga tangata o Heretaunga, rum, awhiawhi tatau, kei te 2 o Tihema, ka tau iho te manaakitanga a to tatou matua i te rangi ki to tatou Pihopa. He waahi nui tenei hei titiro ma nga Haal’i katoa. E nga Ratana hoki mai ki te awhina ito tatou Pihopa. E nga mSomona, e nga Ringatu, ko te mana motuhake tenei ka riro mai nei i a tana, ka tu mai nei he Pihopa Maori mo tana. Kaati rate wehewehe i a tatou. Engari kia kaha tatou kite awhina i to tatou Pihopa. Kaati ake aku kupu mo tera ahua whakaaro. Kia inoi ake an mo te Pihopa o Aotearoa: — E te Ariki, kua oti i a koe te tohu to pononga hei Pihopa mo matou, i runga i te tapu i te aroha. Tukua mai ton Wairua Tapu hei awhina hei whakamarama, hei whakakaha i to pononga. Kia maturuturu tonu iho te tornairangi o tau atawhai ki runga ki a ia kia tupu hohonn ai te whakapono i roto ito iwi Maori, ko Thu Karaiti nei hoki to matou Ariki. Amine. Kia ora nga iwi o te motu. Na Te Whetu Paerata. Ruatoki. 2/11/28.