"HOATU TE HOMAI"

Toa Takitini, Issue 85, 1 September 1928, Page 841

"HOATU TE HOMAI"

Na Rev. Peni Hakiwai. E mea ana tetahi kai-tito waiata: “Te tangata whai taonga, he iti te hoatu: te angata matau he mama ana kupu.” & Kaore tatou e whakaae ki tenei. Ko te tikanga ke, ko te tangata whai taonga kia rahi te hoatu; a ko te tangata matau kia kaha kite toha ite matauranga ki era atu. He take nanakia tenei te hoatu te homai. Me ki he kanara tau. Kite whakaungia e koe tetahi kanara ki tau, ka ka tahi ran a, kaore hoki tau e poko i te kaanga o tera, engari ka ka tahi. Waihoki pehea te hoatu e kore koe e rawakore. Te m-ltauranga te hari me ena mea, pehea to toha i to matauranga, kaore e pau, engari katahi ka pupu ke mai. Ka te nui o tan hoatu. ko te nui e homai ki a koe. Ko te huarahio te hari pono ko te hoatu. He kupu pai, he awhina kite kai ki te hereni, he nui te hari e tae mai ki a koe. Kite kore e hoatu ka ngaro noaiho tau, ka tahaetia, ka pau ranei i te huhu. Ma. te hoatu ka homai. Te awa o Horano rere iho ai kite Moana o Kariri, ka puta ano, ka whakamau whaka-te-tonga rawa atu ko te Moana Mate (Dead Sea). He aha te tukunga iho? Ko nga wai o te Moana o Kariri he wai pai ki te inu, notemea e tukua atu ana te wai e riro ana mai i a ia. Tena ko te wai o te Moana Mate kaore e pai kite inu he kore putanga. Ko te ra ke kei te tango

i kore ai e puhake, ka mahue iho te wai whakarihariha, kaore hoki he mea ora o tenei moana. Kua kite ahau i te tangata kanepo e popono ana maana anake tetahi mea pai. Ahua Moana Mate pea tenei tu! Kaore ona painga kite ao. Te “hedgehog” e kingia ana ko tona puiaki he hua karepe. I te po ka hurihuri haere i raro o nga waina, kia titi nga mea ngahoro ki runga i ona koikoi. Tae rawa atu ki tona kuhunga, ka pan te wai o nga karepe, ko nga anga anake i mahue maana. Ko te rite tenei kite tangata e amiki ana anake, maana anake, ka kai maroke tera. He whakatauki e mea ana: “kaore e ngaro te mea i tapaea kite hoa.” Hetika tenei. Kite tapae mea koe mo tetahi take nui, take tika, e kore e ngaro, engari ka ki katoa koe i te hari ite koa mo to tapaetanga. Ko te lino mea tena ite ao. Titiro kia Mr Reade o Akarana. He miriona pauna, he 800 eka i tapaea ki a Ingarangi mo ana mahi manuao. Pai noaiho! I te hari o taua kaumatua he hi ika te mahi. Mahara ki nga miriona i tuku nei i a ratau me a ratau rawa mo te pakanga nui ka huri! Ko tewhea te ropu honore ki ta te ao titiro? Ko te ropu ranei i tuku whakahere i a ratau, ko te ropu ranei i noho kite amiki rawa? Ko tewhea te mea nui o te whakahere o te amiki, o te Hoatu o te Homai. Ta te Maori, kite kore te Maori { pohehe, ka whakatangihia te tetere kia rongo te ao mo tana hoatu. Kite roa te whakautu, kua akiaki te Maori. Kite roa tonu ko te tino mutunga tena o tana hoatu. Kua amuamu, kua matapiko. E tika ana te Maori i runga ite whakaaro tangata, ara hoatu ka homai. Ina ke tona pohehe, e mea ana te Maori ko te whakautu a tona hoa mo tana i hoatu ai, kia pera ano ta te Atua whakautu ina hoatu ia mo nga mahi a te Atua. E Maori! me pehea to ora, te hau, te ra, nga mea ataahua oteao e riro noa nei i a koe? Na te Atua ena i homai noa mai man. Hoatu, ka Homai. Ki taku whakaaro kia matua mohio ra no te Maori kite hoatu mo a te Atua mahi, ka ora ai te iwi Maori. “Hoatu, a ka homai ma koutou, he melma pai, purena tonu tana (ta te Atua) e homai ai kite kokorutanga o o koutou kakahu” eki ana to tatou Ariki. Hoatu kite Atua aka homai e te Atua mau ana manaakitanga maha. (Maraki 3:10).