PANAPA TUARI.

Toa Takitini, Issue 85, 1 September 1928, Page 840

PANAPA TUARI.

]yo te poo te take, te 23 o nga ra o Akuhata, ka moe a Panapa Tuari i te moenga roa kaore nei e taea te whakakorikori. Ko ona tau { tona matenga e 83. He nui te aroha o nga hapu maha o Heretaunga nei ki tenei kaumatua, he pai nona, he ngawari, he manaaki. Nui atu nga ope i eke mai kite tangi ki a ia. I te ra i nehua ai ia, i tae mai ona hoa hoia pakeha o nga pakanga Maori ote tau 1863 kite 1870. He nui te aroha ki ana kaumatua, i te mea kaore he mea kotahi o ratou i raro iho i te 84 tau. Tokotoru nga m&nita i te whakahaere i te karakia nehu i a Panapa, ko Revds. Hakiwai, Ra Rangiaho me Peneti. He tangata a Panapa i piri pono kite Hahi a tae moa ki tona matenga. Nui atu tona whakaaro mo te Pihopa Maori, me tona wehi kei kore ia e kite i te whakatinanatanga o tenei tumanako a te iwi Maori. Kaati, he nui tona koa i te mananga o tenei take, a na taua Pihopa Maori i whakahaere te karakia ki runga ki a ia, i aia e marama tonu ana. Kotahi haora j muri mai, ka ki ake, ”e hiahia ana ahau kite moe.” Te takotoranga atu moe tonu atu i te moenga roa. Hui katoa ana tamariki e 23. Ko te tokomahatanga i matemjate. Ko nga mea kei te ora, ko Meri Hakiwai, o Omahu, ko Mrs Billy Walker o Waipawa, ko Mrs Warena o Whakatu, ko Boh Tutaki o Omahu, ko Pera, me Pita Panapa o Heretaunga. Kanui hoki nga mokopuna. Haere ra e koro, haere te matua. haere te morehu kaumatua o te Hahi waiho iho tou wairna ngawari, me o whakaaro pai. hei taonga heke iho ki o tamariki, ki o mokopuna, kite iwi i muri i a koe.