TE PIHOPA MO AOTEAROA.

Toa Takitini, Issue 85, 1 September 1928, Page 836

TE PIHOPA MO AOTEAROA.

No te 14 o nga ra o Akuhata nei, ka tu te Hui a nga Pihopa ki Poneke, no te 15 o nga ra ka whirwhiri rotou ite tangata i kite ai ratou e tika ana hei tu tuatahi mai i te turanga Pihopa o Aotearoa. Tan ana ta ratou whiriwhiri ko Pererika Akuhata Peneti mo taua turanga. Ko ahau ra tenei e tuhituhi nei. E te iwi, ko te wahi tuatahi he whakawhetai kite Matua i te wahi ngaro, mo tenei karangatanga i tana pononga kuare noaiho, mo tenei turanga nui, turanga tapu. Ahakoa nga he, ki te titiro mai pea a etahi, e taea te aha, i te mea kna karangatia. Tuarua, he whakamihi ki o tatou Pihopa katoa me nga mema o te Tianara Hinota o Niu Tireni, mo to ratou whakaaro pai, whakaaro ngawari hoki ki a tatou ki te iwi Maori. Tuatoru, e mihi ana ahau ki nga mema Maori o te Hinota o Aotearoa mo te pai o nga whakahaere, te nui o te aroha mete mau o te whakaaro i roto i nga tau e torn, i tutuki pai ai te taonga tapu a te iwi. Tuawha, e tuku atu ana ahau i aku mihi ki nga rau tangata e tukutuku mai nei i a ratou maea me nga reta, i te reo Maori mete reo pakeha. Kotahi te waea mijai i Ranana, na te mokopuna a Mita Hamiora Wiremu, ko etahi no Ahitereria, me nga wahi katoa o Aotearoa o Te Waipounamu. E te iwi, kaore ra he korero mo tenei wa, kaore ano hoki kia timata te mahi. Ko tenei wa he wa nohopuku. he wa inoi. I noi ra koutou mooku, kia horoia tcku ngakau kia ma, kia tangohia atu nga mea he katoa e arai nei i nga mahi pai a te Wairna Tapu, kia homai he wairua pap aku ki a au, kia rite ai i a au tetahi wahi o tenei karangatanga tapu. Kaore aku painga ki te kore ahau e awhinatia mai e nga iwi o te motu. Noreira, e nga iwi, kia aroha mai ra ki ta koutou pononga. Hei aha te honore ote turanga nei. Takahia iho tera. Engari ko nga mahi epa ana ki te taha wairua kia puta, kia tupu, kia nui hoki nga hua, hei painga mo te iwi, hei kororia mo te Atua. TE KARAKIA WHAKAWAHI. Hei te 2 o nga ra o Tihema te karakia whakatapu ite Pihopa o Aotearoa kite whare-karakia nui (Cathedral) i Nepia. Kite whakaatu mai a te Atipihopa i whakaritea ai mo tera wa, ko te Ratapu tuatahi tera o te tau hou a te Hahi, ara ko te Ratapu tuatahi ote Haerenga Mai. He ra timatanga tau hou. Ite mea he ra hou tenei no te Hahi i roto i te iwi Maori

e tika ana taua ra hei whakawahinga i to koutou Pihopa. Tuarua, ko nga ohaoha katoa o nga whare-karakia o te Hahi o Niu Tireni, e tapaea ana i taua ra hei oranga mo te Hahi i roto ite iwi Maori. Kei te huri katoa mai nga whakaaro ote iwi, pakeha kite iwi Maori i taua ra, I nga Hui a nga tangata o Heretaunga i whakaaturia, kanui nga raruram o nga tangata o konei ki nga mahi katikati, 1 nga ra o Noema o Tihema a e kore e tokomaha nga tangata hei tiaki i nga manuhiri o nga whenna e haere mai ana ki te whakawahinga. Kua tae ta ratou whakaatu kite Atipihopa, patai mehemea ka taea te whakarite mo te 14 o Oketopa, mo te wiki ranei i waenganui ote Kirihimete mete nu la. Ko te hiahia kia tae katoa mai nga minita Maori o te motu mo taua ra, a me kowhiri mai hoki he mangai-reimana mo ia Pariha mo ia Pariha. TE NEEHI MO HERETAUNGA. Kua tae mai te neehi mo nga Maori o te takiwa ki Heretaunga. Ko tana kainga kei 105 Gallien St., Hastings. Ko te nama o tana telephone 339. Kua tapaea atu e Peneti i runga i te ingoa o nga Maori katoa o Heretaunga he motoka hou tonu, mo ana mahi, kia mama ai tana haereere ki nga turoro i nga kainga Maori. Ko te utu o te motoka nei £266, he “clyno,” he me a banga mai i Ingarangi. I runga ite marama o nga whakaatu kite take mo tenei motoka i hiahiatia ai, tukuna mai ana te ka nei mo te £2OO. Ko te moni kua utua atu £l5O. Ko te toenga kei te nama £SO. E inoi atu ana ki nga tangata o Heretaunga kia arohatia mai te £SO, kia mutu ai te pawerawera. Kei te Neehi te ka nei inaianei. No te iwi Maori katoa tenei neehi, a kei raro i te mana Kawanatanga ia e mahi ana. Kaore he mana Haahi i runga i a ia.