NGA MINITA ME NGA MANGAI REIMANA O TE HINOTA TOPU, KAIKOHE, MAEHE 16, 1928.

Toa Takitini, Issue 82, 1 June 1928, Page 788

NGA MINITA ME NGA MANGAI REIMANA O TE HINOTA TOPU, KAIKOHE, MAEHE 16, 1928.

NGA MOTINI I PAAHITIA E TE HINOTA. 1. Kia puta he mihi ma tenei Hinota ki Te Atipihopa mo tana Whai-korero. 2. He mea tika ranei te purei tenihi i nga Ratapu? WHAKAHOKI: Ehara i te mea tika kia mahia tetahi mahi e te tangata Karaitiana hei mea e tutuki ai te wae o tetahi atu. 3. Ko te whakaaro awhina i te Hekeretari o Te Komiti Tumuaki me waiho ma te Minita o ia Pariha e whakaaro mai te mea e rite ana ka tuku mai ai kite Hekeretari. 4. Ma te Komiti Tumuaki e whiriwhiri tetahi tikanga tino tika mo te huarahi whakaaro o nga tangata kite wehe i tetahiwahi o to ratou oranga hei awhina i nga tikanga o te Whakapono, i runga ano i nga putake i whakatakotoria ki tenei Hinota., i nga kupu whakamarama hoki a Te Atipihopa. 5. Kia whakaurua tetahi tangata Maori ki roto i te Komiti Whakahaere ote Kura o Tipene. Whakahoki: Me waiho kia mohiotia te tuturutanga o te Pihopatanga Maori. 6. Kia nekehia te Neehi i, Pukepoto kia hoatu he Neehi Maori. WHAKAHOKI: Me waiho mo tenei wa, kia oti te putake mo te Pihopatanga Maori. 7. E ahei ranei kia whakawhiwhia nga Reimana ki nga Puka-puka-a-tau penei ano i nga Minita Maori? WHAKAHOKI: Ka whakawhiwhia koutou nga Mangai Reimana o Te Hinota Topu ki aua pukapuka. 8. Kia tapiritia nga Penihana o nga Minita Maori kite £lO i te tau. 9. Itemea kihai te £3OO i uru ki nga kaute ote Hinota kua pahure ake nei, e ahei ranei ma taua £3OO e whakaea te Moni Tahua mo tenei tau e mutu nei i a Maehe 31. 1928? WHAKAHOKI: Ko te moni e tae mai ki te ringa o Te Komiti Tumuaki i roto ite tau, me tuku kite Tari a te Hahi. 10. Kia puta he kupu mihi ma tenei Hinota ki a Te Wirihana raua ko tona hoa wahina mo raua kua okioki nei i te tiaki i Tipene Kura, a ko taua mihi ma te Tumuaki e tuku atu.

11. Kia puta he mihi ma tenei Hinota kite Rev. Kerehoma me tana whanau, ma te Hekeretari e tuku atu tana mihi. 12. Kia puta he reo whakamihi kite iwi o te marae mo ta ratou manaaki i nga tangata katoa i eke mai ki tenei Hinota, 13. Ko nga mema mo te Komiti Tumuaki kia wha Minita, kia torn Reimana, me te mana ano hoki kite whakatu kia rua mema o tetahi takiwa e tu ai te hui a te Komiti Tumuaki. 14. Ka pootitia nga mema mo Te Komiti Tumuaki. Koia enei ko nga mema:— Rev. Canon W. H. Keretene. (Tumuaki). Rev. W. N. Panapa. (Hekeretari). Rev. Hohaia Taurau Rev. K. W. Poata Eru Pou Hemi Te Paa Henare Kingi TE RIPOATA A TE KOMITI TUMUAKI. E iwa nga nohoanga o tenei Komiti i roto i enei tau e torn. Ko nga mema tuturu o te Komiti koia enei:— Rev. Canon W. H. Keretene . . 9 Rev. W. N. Panapa . . . . . 9 Rev. K. T. Harawira . . , . 3 Rev. H. Taurau . . . . , . 4 Rev. K. W. Poata . . . . . . 3 Heke Te Rangi . . . . . . 7 Hemi Te Paa . . . . . . 5 Eru Pou . . . . .. . . 6 Ko te Rev. Harawira i haere ki Taranaki, ka riiwhitia e te Rev. Taurau. Nga mema o nga takiwa i whakaurua kite Komiti. Rev. W. Matene . . . . . . . . 1 Rev. Rikihana Te Hau . . . . 2 Rev. Herepo Harawira . . . . . . 1 Hone Toi Piri Kapa Naera Rakete Hoori Tane Hone Keretene Pari Tautari Kami Maioha Pera Netana Puhipi Nepia Paraone Netana I roto i enei tau i tu ai tenei Komiti, he mea tenei e maramatia ana, koia enei ko nga tau tino whakauaua i roto i a tatou tikanga katoa. Ko tenei taimahatanga e kitea ana i roto i nga

whakahaere katoa a tenei Komiti. Apiti atu ki tenei, ko te pakaru o te Hahi, i whakatorutorutia ai te kaute o nga tangata i hapainga ai nga mahi i roto i nga ra kua pahure. Otira ko enei mea e rua kei runga i nga takiwa katoa e pehi ana. Na reira he mea ano tenei e kitea ana e te Komiti, te tino kaha o etahi takiwa me te ngoikore o etahi. TE ORANGA MINITA. Kua maha rawa nga tan i whakahaerea ai tenei putake kia neke te oranga o nga Minita. No tenei tau tonu ka tae kite £l5O. Ko te mea e kitea ana ete Komiti ko te tino kaha ote taha Pakeha ki te awhina i a tatou. Ko te Moni Tahua hei whakaaro ma te taha Maori kei te mau tonu ano kite mea i whakaritea i mua, ara e £3OO ite tau. Na reira kei te tuku te Komiti i tana whakamihi ki te taha Pakeha mo to ratou kaha ki te hapai ite taha Maori; mete tuku atu ano hoki i tona reo kaha kite Hahi Maori kia kaha ki te whakarite i te wahi ki a tatou. PIHOPATANGA 0 WAIKATO. No te 1 o nga ra o Aperira, 1926, ka wehe te Pihopatanga hou o Waikato. Ko nga Minita Maori i riro atu ki tera Pihopatanga, ko te Rev. Hoi:i Raiti, Hanatere; Ko Rev. Karira Karaka, Morena; Rev. Pene Topi, Rohe Potae; ko te Rev. Kahi Harawira, Taranaki. NGA MINITA. No roto i enei tau ka neke te Rev. Kahi Harawira i Te Waimate ki Waitara; ka neke mai te Rev. Mutu Kapa i Waitara ki Whangape; kua whakaritea ko te Rev. Rikihana Te Hau te Minita mo Te Waimate i raro i te Rev. W. N. Panapa; ko te Rev. Herepo Harawira mo Paihia i raro i te Rev. Canon Keretene; ko te Rev. W. Matene mo Mangakahia. NGA RIPOATA. Kahore ano i haere tika noa nga ripoata a nga Minita. E whakaaro ana te Komiti me whakahoki ano kite ahua o mua, ara me tuku ano ki Te Atirikona.

NGA MONI. MONI. Riro mai £ s. d. ‘ Riro atu £ 3. d. Toenga ite Peeke . 217 0 0 Hui Tuarua . . 29 0 5 Mo nga raruraru . 13 6 0 Hui Tuawha . . 90 1 9 59 15 2 Ki 31/3/27 30 12 0 293 3 3* Hui Tuarima . . 49 15 7 17 16 0 Hui Tuaono . . 48 5 7 3 1 0 Hui Tuawhitu . . 19 16 8 6 3 8 Hui Tuawaru . . 38 4 0 Hui Tuaiwa . . 197 3 7 82 8 0 Toenga 244 6 5* £719 19 7 £719 19 7