HE RANGATIRA KA HINGA.
TAMATI NEHU ONA TAU 70. npUKUNA atu ena kupu korero kia rongo mai nga whanaunga o Tamati Nehu i ia wahi o te Motu, tae atu hoki ki a Ngapuhi. No te 29 o nga ra o Mei, ka moe a Tamati Nehu i te moenga roa, i te moenga o ana matua me ona tipuna. Ko tenei tangata tonu te kai-pupuri o te whakapono ki roto o Tokomaru. E rere ra te nuinga ki nga karakia huhua, u tonu ia ki te whakapono o Ihu Karaiti, tae noa mai ki tona ra i mate ai. Ko tenei tangata he tangata nui mo te tatai tangata, he tangata pai,he humarie. Ko tetahi wahi o tenei tangata no te Whanau-a-Iri-te-Kura ki Waipiro. Ko tetahi wahi no Te Whanau-a-Ruataupare ki Tokomaru. Ko tetahi wahi no Ngati Kakungunu ki te Wairoa. Ko tetahi wahi no Ngapuhi. Tena koutou e nga whanaunga o Tamati e tangi mai na iia wahi, iia wahi. Kanui te pouri mete mamae ote ngakau kite whanaunga ko riro nei. Haere ra e koro, haere kite okiokitanga mo to tinana mo to wairua. Haere ki tou whakangatanga. Haere atu ki o tatau matua, haere ki te iwi, haere ki te kainga tuturu. NA. R. TAMEPO.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19280601.2.10
Bibliographic details
Ngā taipitopito pukapuka
Toa Takitini, Issue 82, 1 June 1928, Page 794
Word count
Tapeke kupu
209HE RANGATIRA KA HINGA. Toa Takitini, Issue 82, 1 June 1928, Page 794
Using this item
Te whakamahi i tēnei tūemi
See our copyright guide for information on how you may use this title.
Log in