NGA PARIHA.

Toa Takitini, Issue 80, 1 April 1928, Page 764

NGA PARIHA.

TE ROORU HONORS. H E nui te whakamihi ote Tari o te Pihopatanga o Waiapu kite kaha o enei Pariha kite whakarite i nga ramraru katoa mo te oranga Minita me era atu raruraru e pa ana ki tena ki tena pariha. Kua eke enei pariha, e man ake nei nga ingoa, ki runga kite ROORU HONORE, e kiia nei ete pakeha 44 selfsupporting,” ara na enei pariha tonu o ratou na raruraru katoa mo te taha kite moni i whakarite, a kaore rawa he nama mo te tau mutu mai nei i te 31 o nga ra o Maehe, 1928. TE ROORU HONORE. Hikurangi Moteo Waipatu Waipawa Ohinemutu Me apiti enei e man ake nei, kua rite ke hoki a ratou moni, engari na te hararei o te kai-tiaki pakeha ka kore e tae mai. Whangara Ko te toenga nama o TE NGAE PARIHA £ls 13s. 7d. Tata tonu ka rite. Ko TURANGA i mahue ai i roto i te room honore na nga huarahi ote ture. Ko a ratou na moni kei nga ringaringa ote Kai-tiaki Maori i Poneke. Taro ake nei ka puta. He nni te mihi o te Etita o ta koutou pepa, mo te kaha o te awhina a nga Pariha katoa, i te tono a to tatou Pihopa me nga kai-whakahaere i to tatou Hahi, kia tahuri tatou, te Hahi Maori, kite whakamama ite pikaunga e whakawaha nei eto tatou tari. Mai ano o te timatanga o te Hahi i roto i te iwi Maori, katahi ano ka penei te maha o nga Pariha Maori, i tu watea i te nama, a i rite katoa hoki nga raruraru i runga tonu i te kaha o nga Maori o ana Pariha. Katahi nei te tohu marama kua pakari te Hahi Maori, a tera e kaha kite hoe haere i tona waka, ina whakaterea te waka ka karangatia nei, ko 44 Te Pihopatanga o Aotearoa.” Aku rangatira i tena pariha, i tena pariha, kia ora katoa koutou mo te kaha o ta koutou awhina i te reo karanga ki tetahi poito hei whakaora i a matou kei toremi i roto i nga ngaru mat ite nama e papaki nei i a matou. Kua tae mai a koutou poito. Kua u tenei kei uta. Te mahana ote kiri ano kei te ra e painaina ana. Kia ora katoa, katoa. koutou. Nga pariha i mahue i te Room Honore i tenei tau, kia kaha kite whakatikatika, kia eke ai tatou tahi ki taua turanga honore a te tau e takoto mai nei. Whaia te kupu rangatira a te pakeha kia rite i a tatou, ara te kupu nei:— Self-supporting.”