"MATE TARINGA": TARINGA PIRAU."

Toa Takitini, Issue 79, 1 March 1928, Page 741

"MATE TARINGA": TARINGA PIRAU."

(Acute Otitis Media: Otorrhoea.) T. Wl REPA, M.8., Ch.B. H E tino mate ano tenei no tatau no te Maori: ara no a tatau tamariki. Ki taku whakaaro, i roto i nga tamariki kotahi ran i raro iho i te tekau tan, e non tekau nga mea kei a ratau tenei mate i tenei wa. He pera ano tenei mate ite 44 mate whatu.’: he mate e taea te karo; ara, kaore i tika kia pa mai kia tatau me a tatau tamariki. Ko nga mate enei e kia nei; “He preventable diseases.” Mehemea he mate e taea te arai atu. he aha i tukua ai kia tomo ki o tatau whare hei manuhiri ma tatau? Kei te tatau te he: Kaore i te u te kati. E hara te 44 mate taringa ” i te mate patu tangata. Engari he mata ia no te kokiri a nga mate patu tangata ko te taringa he puare e ahu ana ki roto ite iwi o*te mahunga. Ka hou te puare nei, a, ka tae ki tona mutunga mai. Kei waenganui i taua “ mutunga mai ” mete roro ote mahunga he iwi penei i te 44 pane kingi ” nei te rahirahi no reira mehemea kite pirau a roto o te taringa, ka ngaua atu ano taua maramara iwi: a, ka uru te pirau kite roro ote mahunga. Kaore tena mate e ora. Kei muri o taua puare tetahi puare ano e tika ana ki te puare ote iwi maro i muri ote taringa. Tena i ana whakahatia taua puku i muri oto taringa. Tona ingoa ko te 44 mastoid process.” Ko te puare kei roto i taua 44 mastoid,” e watea ana kite rerenga toto nui ote roro: ara te 44 lateral sinus.” Mehemea kite ahu whakamuri te pirau ote taringa, ka ngau kite 44 mastoid cells.” He pai kia noho i kona. Ka kiia tena he 44 mastoid abscess.” He mahi nui te wiri i te 44 mastoid process,” kia puta ai te pirau o te “ mastoid abscess” ki waho. Kite kore e wiria te 44 mastoid,” ka neke te pirau ki te 44 lateral sinus.” Kei te roro tena ote mahunga. He mate kei muri atu. Ko et take tena i kiia ai he mata tenei mate no te kokiri a nga mate kaha. Kia mohio koutou kite whakaaro o nga kamupene inihua (Insurance Companies) mo te mate nei: Kaore ratau e inihua i te tangata , i te tamaiti ranei he mate taringa tona. Ka marama kia koutou, he mate taumaha ia te mate e kore nei tatau e aro ake. PUTAKE 0 TE MATE. He maha nga take mai ote mate ote taringa. Tuatahi he rewharewha epa ana kite ihu, tae atu kite pito whakamuri ote ihu (nasal and post nasal catarrh). He puare iti nei kei roto ite ihu e tika ana kite wahanga o waenganui ote taringa. Te ingoa o taua puare: 44 Ko te 44 Eustachian tube.” Mo roto i taua puare piki ai nga mate ote ihu kite taringa. Tuarua: He haere kite kaukau, kite ruku, ka ngongo ite wai ma te ihu ka piki i o, te Eustachian tube kite taringa. He mea ano uru ai te wai ma nga taringa. Kongo tonu ake ai te tangata e toi ana te urunga o te wai ki ona taringa.

Tuatoru: Ko nga mate rere: mitara, Scarlatina, small pox, piwa taipo, diphtheria, influenza. Eki ana tetahi tohunga ko enei mate te putake o nga mate pirau kino o te taringa (Holt Diggle). Tuaivha: He mate kohi. Tuarima: He paru, he wai hakihaki, he patito no te mahunga, he kutu: ara, ko te tino hoa riri o te hinengaro tangata, he paru. * Otira ko te tino putake ake ko nga ngarara ano kua whakahuatia ake i era mate kua oti rate tuhituhi. Heoi ano ta enei putake i whakakaupapatia nei i tenei he whakawairakau i te 44 oneone ” kia pai ai te tipu a aua ngarara. NGA TOHU 0 TE MATE. Ka mamae te taringa: ehara i te mamae hangahanga mai nei. Hei te po taua mamae ka tino kaha rawa atu. Ka turi te taringa: he mea ano nga taringa e rua. Ka wera te kiri. E tae ana kite 100 degrees F., ki te 103 degrees F. ranei. Ka pupuri te tamaiti i tona taringa. Ko okeoke haere, ka whanawhana, ka tangi i te mamae ko nga pakeke, ka amai mehemea ka tu. Kia heke ra ano te pirau ite taringa ka ngawari penei ano i te whewhe e ngawari nei te mamae mehemea ka pakaru. I te wa e puta ai te pirau kua pakaru te 44 drum ” o te taringa. RONGOA. A. Karo: Kua kia ake he mate tenei etaea te karo, ara te arai atu : no te ropu hoki ia ekia nei e nga tohunga he 44 preventable”; ara, he mate e taea te arai atu. Kati ko nga karo he arai atu i nga putake ara: mehemea he mate te ihu ite rewharewha me rongoa. Mehemea he haunga te ihu, haere kite takuta kia rongoatia. Mehemea he 44 polypus ” kei, roto 0 te ihu o te tamaiti, he 44 adenoid ” ranei kei muri o tona ihu, kawea kite takuta. Mehemea ngongoro ai te tamaiti, hamama ai ranei tona waha ia ia e moe ana, kawea kite takuta kia tirohia. Mehemea kei te pangia te tamaiti ete mitara, ete scarlet fever, me era mate katoa tiakina te ihu. Mehemea kei te waihakihaki te tamaiti rongoatia. Mehemea kei te paru, horoia kia ma. Mehemea kei ki ite kutu, kei te patito hoki, horoia kia ma. Mehemea he mate kohi, whakaaturia kite takuta. B. Patu ite mate: Konga tohutohu ka whai ake nei mo nga tangata o nga kainga takuta-kore: ara mo Maunga Pohatu, mo Tekaha, mo Maraenui, mo Rau ko kore. Ehara monga Kainga pera i Heretaunga, i Turanga, i Te Wairoa, i Waiapu i Rotorua, 1 Waikato, i Ngapuhi, mete Tai-Hauauru: he takuta kei ena wahi, kaati ake mo tena wahi. Ki te rongo te tangata ite mamae i roto i tona taringa me takoto ia ki tona moenga. Ko nga kai hei te kai mama: ara miraka, hararutu, raibi. wai-kohua, wai puha. Kaua ite miti. Me kai tote rongoa ia ite ata. Kaua ite wai harakeke: he kaha rawa tena. Mo te wera ote kiri, mete ■ nini me hoko mai he 44 aspro ” i nga toa. Kei runga ton ' nga tohutohu. Ma te neehi koe e awhina mehemea hoki kei te t 1 .ta ki te Takuta,

mana e homai he rongoa hei patu ite wera. Mo te mamae o te taringa, i mua atu ote pakarutanga ote pirau. Me whakamaturu kia kotahi kia rua ranei nga maturu o te rongoa nei me kawe kite kemihi te pukapuka nei. Mana e mahi mai te rongoa. Kia ata tohu rawa ite patara. Cocaine Sulph, Gr. 2. Morphine Hydrochlor , Gr . 1. Acid Carbolici, Gr. 3. Sweet Almond Oil, Drams 1. Mitte, Ounces 3. Two drops in ear when pain is severe. Label. POISON. T. W. Kia tupato: he paitini kei roto i te rongoa nei. Hei tohutohu kite kemihi nga korero pakeha nei, Ehara te rongoa nei hei inu : hei whakamaturu ke ki roto ite taringa. Mo te wa e pirau ai te taringa. Kanaka hei mapu ngia kite wai. Tena ano te take o tena whakatupato. Kanaka hei whakapiria he mea wera kite taringa. Tena ano te take o tena tohutohu. Engari me puru he “ boracic powder ” maroke ki roto ite taringa me takoto te turoro ki raro. Ma nga mea ora e ata tahoro iho te paura maroke ki roto i te taringa. Heoi ano te raruraru, ma te ringa tohunga anake hoki ka taea te mahi nei. Kite kore e ora, ko te ringa kei te he; ehara ite rongoa. Kanui enei korero mo te mate nei, hei whakaohooho i o tatau hinengaro.