"TE MAHI."

Toa Takitini, Issue 76, 1 December 1927, Page 703

"TE MAHI."

(Na T. WI-REPA I WHAKAMAORI.) WHAI KORERO A TAMATI KARAERA. ( Thos . Carlyle.) 66 JJE karakia ia nei taku i whakahua ake ra? Ae ra: Nga mahi tika katoa he karakia. No reira ko te karakia ehara ite mahi, me kawe ki te pae ote rangi taupuna atu ai. Kia au ia, kaua tona waka to tena karakia mangere, pohehe, e tukna kia rahiri i roto nga kokoru marino o to tatau whenua. He whakamiharo kia au te kaupapa a nga tohunga karakia o te wa i timata ai te whakapono ki Ingarangi: Ara te pepeha a nga “monks”: “Ko te mahi te whakapono” (Laborare est ©rare) . No mua noa atu tenei i nga rongopai e kauwhautia ana. He rongopai man tonu tenei. He rongo pai kupu kore. He rongo pai kaore ona kai-kauwhau. Otira kaore tenei rongopai e taea te muru mai i roto i nga mahara o te Ao: Ko te rongopai mau tonu hoki tena, a, te mutunga ra ano o te Ao. E mahi; kei kona he ora mo tou tinana. E koe, ete tangata. tama a te oneone, a te Rangi (a Papa raua ko Rangi), kaore i

oti koe e rongo ana e korikori ana i roto i ton ngakau, i ton hinengaro, te wairua rika kite mahi, te wairua hae ki nga mea pohehe, te kaha kite mahi? Kaore koe e rongo ana eka ana te ahi i roto ia koe; a, ki te tapukea kia poko ka auahi? Ma tana auahi koe e whakahemanawa, a ka tahu koe i tana ahi kia ka, kia mura, ka puta mai hoki he mahana mete marama? Ma tana wairua o te ahuwhenua e whakahau koe kia hae ki nga mea takoto kino; kia whakatika i nga mea takoto he; kia parau i te whenua takoto i noa; kia whakatakoto tikanga hoki hei arahi ia koe ki te pai. Ma taua wairua koe e whakahau kia ako i nga mea taikaha kia piko mai kia koe; i nga meataringa kore kia rongo ia koe; i nga mea huakore kia hua. Ahakoa ki whea kitea ai e koe te he, te takoto hape, te paru, te ururua: Ko ena ou hoa riri. Ko nga hoa tautohe ena ote wairua ahuwhenua, a, mutu noa te Ao. Ko te pakanga ki ena hoa riri, he pakanga mutunga kore. Ka ngenge koe, ka toa era. Kaore era e ngenge. No reira kei ngenge koe. Whawhaitia ki to tao tino kaha. Te korohape, whakatikaia te he, meinga kia tika; te titohea, whakamomonatia te mangere whakamahia; te taru, nga kia; te hiamoe, whakamata-aratia. Te kotimana e tipu na i tou ara, tipia atu, kia tipu ake ai he putake karaihe hei kai ma o kau. ma o hipi: ka puta mai he miraka ito kau. he huruhuru i to hipi i whangaia e taua putake karaihe. He mea aha oti te 44 Katene,” te kareko i uhi ai i tou kiri kia mahana? Kaore koe e mohio he tarutaru no te parae e nei mea, a, na te toa o te tangata i whakahuri mai hei taonga man ? Otira ko taku tohutohu nui tenei kia koe e tooku hoa tangata: ka kitea e koe te kuare, te wairangi, te whakaaro kararehe, whawhaitia. Otira patua i runga ite marama- Kei ngenge koe. Kei whakanga koe ia koe e ora ana, i enei hoa riri hoki e ora ana. Taku kupu tenei: Patua, patua, patua; i rare ite mana ote ingoa ote Atua. Ko te whakahau tena kia koe a Thowa o nga mano. Kaore ite puta kohimuhimu mai te reo o Ihowa kia koe. Kei te puta rahi tonu mai: Mehemea ra ia he taringa rongo ou taringa. Ahakoa te reo ote Atua ehara i te reo tangata, ka pula ana mai he wehi atu i te papa ate whatitiri i runga o Maunga Hinai, i le pupuhi ranei a nga hau kapa ote moana. Kaore ranei ile korero mai kia koe te nohopuku o nga Rangi-tu-haha? Kaore koe ite pairi i nga reo o nga Ao i tua o nga whetu o te ata? Nga mahi tika: he tapu. Kei roto i nga mahi tika, ahakoa he mahi na te linga noa, e whakaatu ana te atuatanga o te tangata. Ko te ahuwhenua: Ko tona whanui i rite ki to te Ao whanui; Ko tona tiki kei te rangi. Te kakawa ote rae; te kakawa o te roro o te tangata; te kakawa o te manawa: Ko te tihi ote kakawa ko te kakawa toto ote kari o Kehemane. Mehemea ehara tenei i te whakapono, i te karakia: tena he aha? Ko te taonga tino rangatira hoki tena i raro o te Rangi a te Atua. Ko Wfl i koe e amuamu na ki te mahi? Kaati rate amuamu. la

koe e mahi na, kei te whakarite koe ite ture ate Atua. Kei te awhina koe i nga mahi o te Ao. Maranga, titiro whakarunga tooku teina ngenge. Kei te Rangi e whaka nga ana ou hoa mahi o nga tau o mua ia koe. Kua lomo ratou kei roto i te kahui a te hunga i awhina i nga mahi ote Ao. Ko ton kawai ete tangata, he kawai ahuwhemia: Ko tena ton tatai rangatira. Ko to Atua he atua ahuwhenua. Na te Atua i hanga te Rangi te whenua, te wai i raro o te whenua me nga mea ngoki-ngoki katoa. Tona taonga whakamutunga i tapae ai kite Ao he tangata. Ko to tipuna tena ko Arama i whakahaua nei hei tangata mahi ite kari o Erena. Ko ianei te timatanga oto tatai rangatira. Eki ana aTe Karaiti: 44 E mahi ana tooku matua; ka mahi au.” Ko te upoko tenei ote Hahi Karaitiana he tangata mahi. Ona tangata i karanga ai hei apotoro he tangata hi ika, kohi take, mahi kaari: ara, he tangata mahi. Koi whakawhirinaki koe ki to tatai rangatira i heke iho i ou tipuna hei hapai i a koe ki runga. He tika ka tiketike koe i taua rakau te toko ki runga mo te wa poto. Engari kite kore koe c ahuwhenua, ka maroke te peka o tena rakau e pupuri na ia koe kia rewa ki runga. He taumaha ano ton hei pehi ia koe kia taka iho koe ki raro. Tan rawa atu koe ki muri noa atu ote hunga ware e ahuwhenua ana. To taunga ki raro te rangona te haruru? Titiro whakarunga e tooku hoa ahuwhenua. Ko te kupu tenei ate Tawhito o nga Ra: 44 Ko te tangata e mahi ana i aku mahi: Ko ia tooku matua, tooku whaea, tooku tuakana, tooku teina, tooku tuahine.”