NGA KOEERO WHAKAPAPA.

Toa Takitini, Issue 70, 1 June 1927, Page 608

NGA KOEERO WHAKAPAPA.

Kua matemate nga tino kaumatua e tika nei Ida tapaina o ratou ingoa he tohunga mo nga main whakapapa me nga korero o nehera. Noreira ka uaua te kohikohi haere i nga korero tawhito e puta mai ana i nga mangai o nga himga korero o roto o enei ra. Ara he uaua te tino whakapono ki te tika o nga korero o enei ra. Kua haere mai te wehi kei korero tinihanga te kaiwhakapuaki korero, kei kumea nga whakapapa ki tana ake i hiahia ai Ida eke ai ki tona kawai. Noreira nui ke te wariu o nga korero kua oti te tuhituhi i nga rima tekau tan ka taha nei. neke atu ranei, i nga korero o enei ra. Kua tu te Poari Whakapapa. Koinei te ropu e tika ana hoi taunga atu mo a tatou korero tawhito tae atu hold ki o tatou whakapapa. He iwi matau taua ropu, aka taea hold e ratou to tatari haere o nga korero tika me nga korero hianga. Noreira e nga iwi ote Motu, kaua hei whakaroa. Kia mama te tukutuku mai i a koutou whakapapa me nga korero tawhito o tena waka o tena waka. Ata waiho nga wahi e raruraru ana. Tukuna mai te wahi kua oti.

Kite whakarongo ake kua oti te wahi rahi o nga korero mo Te Arawa. Pera ano hoki te rongo mo nga korero a Ngapuhi. Ko te pai o te tuku mai inaianei Ida mama ai te whakatikatika te whakatuturu ranei. He maha nga aitua kei te pupuri roa, he ahi, he whanako, he ngaro no . nga wharangi, he mate no nga kai-tuhituhi a kua kore i taea te whakamarama o nga kupu tawhito i tuhituhia ai. Kei te ki etahi, kaua hei tukuna ki nga ropu kawanatanga keg waiho hei huarahi mahi moni ma ratou. He korero tamariki rawa tenei! Kaore ano he pukapuka ate iwi Maori kia pei. Ina tonu tenei o a koutou pepa a Te Toa Takitini, ia tau, ia tau, he uaua rawa ka puta te ihu. Kaore rawa to perehitanga o nga whakapapa nei e pei, i te tokoiti rawa o tatou o te iwi Maori, me te whakaaro kore hoki kite manaaki i enei tu mahi a tatou. Noreira kaua hei wehi ki tera tu korero kei waiho hei mahi moni ma etahi ropu. Ko te painga mo tatou tonu me a tatou tamariki i muri i a tatou. Noreira e nga iwi kia mama to tuhituhi mai i nga korero o tena vvaka o tena waka, ka tuku ai kite Ropu Whakapapa hei paid hei whakatinana.