PIHOPATANGA O AOTEAROA.

Toa Takitini, Issue 60, 1 August 1926, Page 436

PIHOPATANGA O AOTEAROA.

KUA karangatia nga inema o te Hinota o te Pihopatanga o Aotearoa kia hui atu ki Poneke i te Wenerei te 4 o nga ra o Akuhata nei. Kua rite mai hoki i nga whanaunga Maori kei Poneke e noho ana etahi kainga mo nga mema o te Hinota. Kei aTa Maui Pomare tokorua (ara maim e akarite nga raruraru) kei a Hon. A. T. Ngata tokorua, kei a Henare Peneti tokowha ki tona kainga, a mana hoki e whakarite nga raruraru ote hunga tokorua. Kei a Mr. Love i Pitoone tokorua, kei a Kingi Tahiwi kotahi kei tetahi o nga tamariki wahine o Te Arawa i rnoe tane pakeha ki Poneke, tokorua. He nui te mihi mo tenei manaaki nui i te Hahi a nga whanaunga e noho mai nei i Poneke. Kei te Taite ite 9.30 a.rn. ka hui te Hinota kite wharekarakia o Paora ki reira whakahaere ai i ta tatou karakia tapu tawa, ara ite Hapa ate Ariki. He mahi tapu te whiriwhiri pihopa, ha reira e tika ana kia waiho ko tenei karakia tapu ra’wa hei timatanga atu mo nga mahi a te Hinota. Ka mutu iho te karakia, ka hui nga Maori anake o te Hinota kite whakatakoto kaupapa korero ma ratou. Itelo o nga haora i te ata o te Paraire, ka hui tahi nga Pihopa o Niu Tireni me nga Maori. Ka mutu te whiriwhiri whanui, ka whakatakoto mai nga Pihopa. i nga ingoa o te hunga tokotoru ki te aroaro o nga Maori. Ka puta nga Pihopa ki waho o te Hui, ka waiho ma nga Maori anake e whakatau ko wai o te hunga tokotoru hei Pihopa mo Aotearoa. Ko te tumanako, kia pai, kia ngawari, nga whakaotiotinga a te Hinota i tenei take nui whakaharahara. Ma te Wairua o te Atua e arataki nga mema katoa o te Hinota kia tatu ai nga mahi a te Hinota ki ta te Matna i te wahi ngaro i whakarite mai ai. Kia mahara te Hahi katoa kite inoi ki te Atua kia tukuna iho tona Wairua raarama ki nga mema o te Hinota a te wa c huihui ai ratou ki te whaketu Pihopa mo te iwi Maori.