MATENGA O MERE PATARIKI, M.B.E.

Toa Takitini, Issue 59, 1 July 1926, Page 429

MATENGA O MERE PATARIKI, M.B.E.

I TE 1 o nga ra o Hune, 1926, ka mate a Mere Patariki kite Kawakawa, Pewhairangi. I mate whakarere, i mate ite •' mate e karangatia nei ete pakeha he “stroke.’' Ona tau e 69. He wahine tenei i ngakaunuitia e te Maori e te pakeha, mo ana mahi rangatira. awhina hoki i te rawakore. I te wa o te pakanga nui ka mahue ake nei, ko ia te kaiwha-. kahaere nga mahi katoa mo nga hoia, o konei, ahakoa taha pakeha, ahakoa taha Maori. Hei tohu whakanui mo ana mahi pai, ka tukua mai e te Kingi ki a ia te tohu honore, ara te M.B.E. (Member British Empire). I mua o te rironga ko nga pohimahita hei kai-rehita mo te mahi pooti, i a Mere Patariki taua tunga mo nga tau maha. Ko ia ano hoki te kai-whakamaori o Te Kawakawa. Ko tenei wahine he mokopuna tuatahi na Hawea Te Mauparawa o Nuhaka. Ko te whaea ko Ngamoni, i moe i a Honetini, he pakeha no Ingarangi. Ko ona whanaunga i mahue iho ki tenei takiwa, ko Tuihana Honetini o Paneera (Parnell) Akarana, tuakana ki a ia, ko Hawea Patariki, roia o Te Kohukohu, he tamaiti nana, me tana kotiro Pororene Reweti. Haere ra e kui ki a Raton ma i Te Hono-i-wairua, Waiho iho ki o uri i te Aoturoa nei ton wairua marama, ngakau manaaki, tauira pai, hei taonga whakarere iho man ki a ratou. Non te ingoa pai, heke iho ana ton pai hei taonga honore ki runga i te iwi Maori nui tonu.