NGA RA O RENETI.

Toa Takitini, Issue 55, 1 March 1926, Page 373

NGA RA O RENETI.

HE ra nohopuku enei ra e 40 o Reneti. Kei te Inoi me te Rongopai mo te Ratapu tuatahi o Reneti te whakaatu • - ■ mo te kaupapa i waiho ai enei ra hei ra nohopuku mo nga tangata o te Hahi. Ko nga kupu o te inoi e penei ana:

” E te Aj'iki, i nohopuku koe mo matou inga ra e ivha tekau, i nga po e ivha tekau; Whakakahangia matou kite pehi i o matou hiahia, kia mate ai o matou kikokiko i te Wairua: a, ka toko ake koe i roto i o matou ngakau, meinga matou kia anga atu i runga i te tika, ite tapu; kia whakakororiatia ai koe. Tena koe te ora na, te kingi tahi na, i te Matua, i te Wairua Tapu, kotahi ano Atua, a ake ake ake. — Amine.

Notemea kua urn to tatou Ariki ki nga whakamatautau katoa epa nei kite tangata, noreira ka mohio mai ia ki o tatou ngoikoretanga me nga tikanga hei whakakaha i a tatou, ina inoi atu tatou ki a ia. Ara he whakaaro ki a tatou, i whakamatautauria ai ia.

E toru enei huarahi whakamatautau, i whakapangia ki a te Karaiti, a ko aua huarahi ano hoki enei e whakapangia mai nei ki a tatou. Tuatahi; “ Kiia iho kia meinga enei kohatu hei taro.” He whakamatautau tenei ite taha kite kikokiko. Tuarua: I a ia i te keokeonga o te tempara, ka mea atu te rewera: Rere atu ki raro,” kaore koe e mate. Na te ao tenei whakamatautau. Tuatoru: Na te rewera te kupu: “Ko enei mea katoa e hoatu e ahau ki a koe, kite koropiko mai ki ahau.” Kaati kaore a te Karaiti i hinga i enei whakamatautau katoa—te taha kite kikokiko, te taha kite ao, te taha kite rewera. Ko te kaha o te Karaiti ka riro mai hei kaha mo tatou, mehemea ka ripeneta tatou, ka tangi atu, ka inoi pono atu ki a ia.

I te kauwhau a te Karaiti i te Rongopai a Matiu ka whakaatu ia i nga kaupapa e noho tika ai te tangata. Me inoi, me nohopuku, me tuku aroha, ara ohaoha. Kaore te kupu “ ohaoha ” i hangai. Kaore he kupu Maori hei ata whakamarama i tenei kupu a te pakeha “ almsgiving.” He hoatu mea ma etahi i runga i te whakaaro aroha, aroha karaitiana. Kei konei te huarahi e manaaki nei te Karaitiana i nga pani, i nga rawakore, i nga tikanga hora i te rongopai ki nga iwi kei roto ite pouritanga e noho ana. Ma te inoi e patu nga whakamatautau a te rewera, ma te nohopu e peehi te taha kite kikokiko, ma te ohaoha, ma te aroha ki etahi, e mate ai te whakawai ate ao, me te whakaaro apo i nga taonga o te ao. Kia kaha kite inoi, ki te nohopuku, kite manaaki i nga mahi a te Atua i roto i enei ra o Reneti, kia maia ai tatou ki

te hapai tika i to tatou whakapono.