TE PIHOPATANGA O AOTEAROA.

Toa Takitini, Issue 53, 1 December 1925, Page 334

TE PIHOPATANGA O AOTEAROA.

I HIU te Hinota Topu (General Synod) ki Poneke i te 2 o nga ra o te marama nei (Tihema), a no te 3 o nga ra ka paahilia te pire hei whakamana i te Pihopatanga motuhake mo te iwi Maori. 1 puta i te Atipihopa nga mihi ki nga mema o te Hinota mo te pai o ta ratou whiriwliiri i nga kaupapa o taua pire, me tana tumanako kia nui nga painga e puta ki te iwi Maori i runga i tenei mahi nui a ratou. Kua tuturu ko Te Aute liei rohe whenua, hei taunga mo taua Pihopatanga, engari ko te mana ote Pihopa ki te tangata, ka whai ite kakano Maori i nga wahi katoa o Nui Tireni e whakaaetia mai ana e etahi o nga Pihopa. Ko te mana o te Pihopa mo nga Maori ka pera tonu me te mana o nga Pihopa pakeha.. Kua whakaaetia mai te mana ki taua Pihopa mo te karanga i tana Hinota Maori, mo te whakalu i ana Atirikona, me te tuku i nga mema e rite ana kite hui a te Hinota Topu o Nui Tireni. Katoa nga mana o te Pihopa pakeha kua whakaaetia mai ki te Pihopa mo nga Maori. Ko te ingoa o to tatou Pihopatanga kua tuturu ko Aotearoa. Te paahitanga o te pire i roto i nga whakahaere a te Hinota Topu, ka karangatia matou nga Minita me nga mangai reimana o te taha Maori kia hui tahi me nga Pihopa, kia whiriwliiri tahi i te ahuatanga mo te whakatu i te Pihopa. Ko nga tangata o tenei hui he mea ata whakamana, a kaore hoki he rawaho i whakaaetia kia uru mai ki tenei huihuinga. Ko nga tangata enei i whakaritea mo tenei hui: —Te Atipihopa, te Pihopa o Waiapu, te Pihopa o Poneke, me te Pihopa o Dunedin. Ko nga Maori enei: — Pihopatanga o A fear ana,— Rev. Canon W. H.. Keretene (Ngapuhi). Rev. K. T. Harawira (Aupouri), Rev. W. N. Panapa (Rarawa), Rev. H. Raiti (Rarawa), Hoori Tane (Ngapubi), Hemi Te Paa (Rarawa), Teri Paraone (Ngatimaru). Pihopatanga o Waiapu. Rev. Pine Tamahori (Ngati Porou), Rev. Peni Hakiwai (Ngati-Kahungunu), Rev. F. A. Peneti (Te Arawa), Hon. A. T. Ngata (Ngati Porou), Hori Tupaea (Ngati Kahungunu), Wiremu Kingi (Te Arawa).

Pihopatanga o Poneke. — Temuera Tokoaitua (Otaki), Rev. P. Hikairo Leonard (Marton), Meihana Durie (Aoranei)! Kingi Tahiwi (Poneke). E torn o matou huinga ko nga Pihopa. Notemea he hui tapu te ahua o enei hui a matou e kore e pai te whakaputa o nga take korero ki waho. Heoi ano te mea hei whakaatu: (1) I pai tonu a matou korero ko o tatou Ariki Pihopa a tae noa kite mutunga.. (2) I whakaatu nga Pihopa i nga take i tika ai me pakeha te Pihopa tuatahi hei whakatakoto haere i nga kaupapa o tenei Pihopatanga hou, notemea he mahi uaua.. I whakaatu nga Maori i nga take i whakaaro ai ratou me Maori te Pihopa tuatahi. Marama tonu nga take a tetahi, a tetahi. Kaore hoki i ngawari tetahi taha me tetahi taha. (3) Ka tono te taha ki nga Maori kia hikitia te hui, kia hoki ano ratou ki o ratou iwi ki o ratou pariha whakaatu ai i te kupu a nga Pihopa e ki nei me pakeha. (4) Ka hikitia te hui mo te wa e whakawahia ai te Pihopa hou o Waikato i nga ra o Aperira. Ka mutu i konei nga korero o te Hinota tuatahi o te Pihopatanga o Aotearoa. Ko te Pihopatanga kua whakaaetia. Kei te whanga atu inaianei ko te Pihopa kia whakaturia mai. Ko te oranga mo te Pihopa kua rite mo nga tau e rima, ara he mea aroha mai na nga kai-whakahaere o te tahua whakamahara ki a Te Wiremu Karuwha me Te Wiremu Parata. E nga iwi kia kaha ra ki te awhina mai ita tatou taonga.