TE HOHIPERA O RUKA.

Toa Takitini, Issue 52, 1 November 1925, Page 321

TE HOHIPERA O RUKA.

TE RIPOATA MO TE TAU 1924 KI 1925. Na Pihopa Ataria. KA ma nga tau o tenei Hohipera, a kei te mihi te ngakau mo ,te kaha o te tipu o nga whakahaere o tana Hohipera. E rua nga hapu kei te kaha rawa te whai mai i te Hohipera nei i tenei tan, ara he 44 Komati,” he 44 Mawari.” Ko enei hapu no nga tangata hokohoko taonga. Kaore ratou i whakatata mai i te tau tuatahi i te wehi ki o ratou tapu (caste). I te tuatahi man tonu mai ai ratou i nga wai hei aka rami ki o ratou rongoa i te wehi kei noa ratou i nga wai o te Hohipera. Engari inaianei kua pai, kua kore he wehi. Ko te nuinga o nga turoro e mahia nei no nga tino rawakore: no nga iwi kaore i tae ki nga kura. he hunga pohehe. Kotahi te turoro i haere mai he mate no nga kanohi. Ka mutu te titiro ate takuta, ka hoatu e rua nga pepa ki te turoro. I tetahi o nga pepa ka tuhia ete takuta te nama.. 1 tetahi he mea tuhi nga rongoa hei whakaranu ma te kemihi. Te rironga atu o nga pepa nei, ka patai mai te turoro: 44 Me whakapiri ki tehea o nga kanohi te pepa nui, ki tehea te mea iti! ” Ta te pohehe tana patai! Ko tetahi turoro i mau mai i tana patara nui tonu, ka mea kia whakakiia ki te rongoa, he whakaaro nona ma te nui ote rongoa ka terete oma ote mate!

• , ; Ko etahi o nga kohungahunga no te kopu mai ra no ka paihanatia i te nui o te kai paipa (opium) a nga whaea. Nui atu nga mate taumaha o nga iwi nei. Ko nga turoro i tapahia hui katoa 145 Ko nga tangata i werohia (vaccinated) 127 Ko nga turoro i tirohia nga mate 9,376 O tenei kaute ko nga Karaitiana . 5,336 « „ ko nga Hindu 3,313 ~ ko nga Mahometa . 727 I lenei lau i whakahaeretia he Mihana e nga kai-whakahaere o te Hohipera i nga Pariha o Dornakal, Nekonda, me Manukotiah. Kei nga po ko nga hui me nga whakaahua karaipiture, kei nga awatea ko nga mahi a nga takuta i nga turoro. Ahakoa te whakahawea o nga rangatira ki nga karaitiana, kei nga wa 0 te mate kaore he whakahawea ki nga takuta karaitiana. Ahakoa te nui o nga mahi ma nga neehi, e tahuri tonu ana ratou kite akoako i nga turoro ki nga kaupapa ote whakapono Karaitiana. Kei te haere tonu nga takuta ki nga kura kite tirotiro i te ahua o nga tamariki e tipu ake ana. He nui te whakamoemiti mo nga manaakitanga a te Atua i nga mahi katoa epa ana kite Hohipera o Ruka. Ko te tumanako kia man tonu mai te manaaki a nga iwi i nga whakahaere o te Hohipera nei. Nui atu nga painga me nga maramatanga o teni Hohipera e put a ana ki nga iwi o tenei wahi o Inia e noho atu nei i roto i te pouritanga.. Ko te hiahia he whakarahi ake i nga moenga o roto i te Hohipera kia uru ai nga turoro maha e tono mai nei kia uru mai ratou ki roto. Kia ora koutou katoa e manaaki mai nei i tenei mahi i raro 1 te mam o to tatou Ariki.