TE PIHOPATANGA MO TE IWI MAORI.

Toa Takitini, Issue 52, 1 November 1925, Page 318

TE PIHOPATANGA MO TE IWI MAORI.

Na te Etita. KEI te whiriwhiri katoa nga Pihopatauga o Niu Tireni i nga kaupapa e tika ai te tit o te Pihopatauga mo te Iwi Maori. He nui tonu nga uauatanga o te mahi nei, kei te pohehe etahi Maori me etalii pakeha hoki, he mea mama noaiho te whakatu i te Pihopatauga liou. Engari mehemea e tata mai ana ratou ki nga upoko whakahaere o tenei mahi, ka matakitaki atu ai i ana tangata matau e hou atu ana kite hohonutanga o nga ture o te ao mo enei tu whakahaere, ka kite ratou i nga uauatanga. Te ahua kua kotahi te whakaaro o nga Pihopatauga o Aotearoa nei, ara he whakaae mo tana take. Ko etahi o nga Pihopatanga o Te Waipounamu kei te awangawanga. Kaore ratou i te whakaae kia wehe mai nga Maori i roto i nga pakeha. Kaore hoki ratou i te tino whakaae kei te kaha te whakaaro o te iwi Maori nui tonu kia wehea he Pihopatauga motuhake mo ratou. Ko etahi e mea ana me hiki tenei take mo te torn tan. Ko te reo mana o te Hahi i Nui Tireni katoa ko to Hinota Topu. He torn tan ka hui tenei Hinota Nui. Engari kua karangatia e te Atipihopa te Hui Topu kia hui ki Poneke i te 2 o nga ra o Tihema. Ka rua ai huinga o te Hinota Nui i tenei tau. Ko tenei hui ate Hinota he mea karanga hei whiriwhiri i nga ahuatanga katoa mo tc Pihopatanga o te iwi Maori. E warn nga Pihopatanga i raro i te mana o Nui Tireni, a tera e hui katoa ratou hei whiriwhiri i tenei take nui. Hei reira ra no mohiotia ai te whakamananga ranei o te Pihopatanga mo tatou, te korenga ranei. Kaati kei a tatou tonu kei te iwi Maori te kupu kaha mo tenei take. Kaua hei wehi kite korero, kaua hei we hi kite whekactu i o koutou whakaaro. Ko te hiahia o o tatou hoa pakeha ko o tatou whakaaro kia puta. Ahakoa rite ki o ratou hiahia, ahakoa ranei kore e rite, kia ahatia. Engari kia puta he whakaaro kaha mo tatou. Kei te pehea o koutou whakaaro ete iwi? E nga huihuinga o te Hahi, ten a hanga mai lie kaupapa korero ma koutou. he motini ranei mo enei take.

Ko tetahi take e tautohetohetia ana, me pakeha ranei me Maori ranei te Pihopa tuatahi? I te hui i tu ki Rotorua i a Hune i whakaatu matou nga Maori, kei te whakaae noatu matou me pakeha te Pihopa tuatahi otira i whakaatu ano matou ki te whakaaro nui. ote iwi me Maori tonu he Pihopa. E te iwi he titiro no matou ki nga uauatanga, ki nga taumahatanga o te whakatakoto i nga kaupapa tuatahi o te Pihopatanga hou i mea ai matou me pakeha te Pihopa tuatahi. Noreira ki te tupono he pakeha te Pihopa tuatahi kaua tatou hei awangawanga. Otira kaore tonu pea tatou e manukanuka. Kei te inoi katoa tatou kia arahina tatou ete Wairua Tapu o te Atua i runga i enei take katoa. Kei te inoi hoki tatou kia tupono tatou ki ta te Atua tangata i whiriwhiri ai, hei whakarite ita te Atua i pai ai. He nui te whakamihi mo te maramatanga o te Atua i horahia haeretia nei ki nga tikanga katoa mo te Pihopatanga mo tatou mo te iwi Maori, a tae noa mai ki tenei ra. Ko te inoi mete tumanako, kia waiho tonu ma te Wairua Tapu tatou e arataki haere, i tena hikoinga i tena hikoinga, a tutuki noa tenei taonga nui, hei painga hei honore mo tatou mo te iwi Maori.