HE MIHI NA TE POUARU A MEIHA PIKAKE.

Toa Takitini, Issue 44, 1 March 1925, Page 197

HE MIHI NA TE POUARU A MEIHA PIKAKE.

TUKUNA atu taku aroha kite iwi Maori mo te nui o a ratou mihi ki a matou ko aku taraariki kua pania nei, i te matenga atu o to matou matua. Ko te whakaaro nui i roto i a Meiha Pikake ko ana tamariki ote iwi Maori. He maha ona whakahuatanga i nga ingoa o nga Apiha me nga hoia Maori. I mua atu, o tona matenga, nana tonu i whakarite te wahi hei takototanga mo tona tinana. Ko tana kupu tenei: “ Kite mate ana ahau, mauria taku tinana ki waenganui tonu o aku tamariki Maori takoto ai te urupa i Narrow Neck. Koina nga tamariki i aroha nuitia e ahau. Waiho matou ko aku taraariki Maori kia takoto ana i te urupa kotahi.” I mate atu ia ki Te Aroha. Na taua kupu ana, k amauria tana tinana ki Akaranat aka whiti atu kite whai i tohungia nei e ia, ara kite taha o te puni i nohotahi ai ratou ko ana tamariki. He nui hoki te mihi o taku ngakau kite kaha ote manaaki o Takuta Te Rangihiroa i a matou i taua wa, tae atu hoki ki ana whai-korero i te ra i nehua ai taku rangatira.

Kaore ahau e kaha kite tuhituhi atu ki tena ki tena o nga tamariki a Meiha Pikake, no reira ka tukuna atu ma te pepa nei e mau haere te aroha mete mihi ki tena ki tena o koutou i tu nei hei hoia i raro ite mana whakahaere o Meiha Pikake. Kia tau nga manaakitanga a te Atua ki a koutou katoa.