RATANA ME NGA TIAPANI.

Toa Takitini, Issue 43, 1 February 1925, Page 185

RATANA ME NGA TIAPANI.

Rotorua, Hanuere 15th, 1925. ITE hokinga atu o nga tangata i te hui i Ratana ki Rotorua, ka tu te hui ki Te Papa-i-Ouru, ara ki a Taraatekapua, I taua hui ka panuitia e te kai-whakahaere o te Kawenata a Ratana, nga kauwhau a Ratana i te Hui Kirihimete. Ka puta i roto i ana korero tenei kupu:—“ Kua marenatia e Ratana te iwi Maori kite iwi Tiapani, ako te ora mo te iwi Maori kei roto i nga ringaringa o te Tiapani.” Ka whakahengia tenei kupu a Ratana e te Arawa, a takoto ana tenei motini:— Ko Ngati Whakaue e noho atu nei i runga i to ratou marae tapu i Te Papa-i-Ouru, e whakaatu ana i to ratou piri-pono kia Kingi Hori tuarima; a, ahakoa pehea te hurihanga o nga whakaaro o etahi o nga hapu o te iwi Maori, he whakaatu tenei ki nga kai-whakahaere o te mana o to tatou Kingi, ko Ngati Whakaue ka piri-pono tonu ki te taha kite ture mete noho pai.

He mihi hoki tenei kite Karauna mo te pai mete lika o tana whiriwhiri i nga raruraru katoa o te iwi Maori e whakatakotoria tikatia atu ana ki tona aroaro.

E mihi ana matou, e whakawhetai ana hoki, mo enei painga katoa kua puta kite iwi Maori.

1 te wa o te pakanga nui o te ao, ka tapaea atu e matou a matou tamariki hei hapai i te mana o to tatou Kingi, hei pupuri i nga painga e aim mai nei kite iwi Maori i runga i nga kaupapa o te Tiriti o Waitangi.

Kei te pouri matou mo tenei takahanga a Ratana i te piripono ote iwi Maori. Kua hoki o matou whakaaro ki nga kupu a o matou matua i ki ai: “Kia piri-pono koutou ki a Kuini Wikitoria, a kite maranga mai he iwi e takahi ana ite mana o te Kuini, ko koutou hei kohatu w awahi i te motu.”

TE WHAKAHOKI A PITA MOKO. “ Kaore ano kia puta he kupu ma Ratana kia whakakotahitia te iwi Maori mete Tiapani, a e whakahe ana ia ki nga korero ote hui o Rotorua. I haere maton ki Tiapana kite kauwhau 1 te Rongopai. No to matou taenga atu ka manaakitia matou ete Tiapani kite manaaki whanaunga, a, i runga i nga patapatai kitea ana he tatanga ano to te iwi Maori kite Tiapani.” Kaore a Ratana i tuku tangata hei mangai mona ki Rotorua. Engari he tangata no Rotorua i tae mai kite hui i Ratana, a ko ia pea taua tangata. I whakamarama a Ratana i tana hui ko nga toto o te iwi Maori raua ko te Tiapani e kotahi ana i runga i te whanaungatanga.

WHANGANUI.

HE TAUTOKO I NGA KUPU A TE ARAWA.

No te 20 o nga ra o Hanuere ka puta enei korero i roto i nga nupepa o te motu. “ Kua tuhituhi mai etahi tangata whai-whakaaro o Hiruharama kite pepa o Whanganui, whakaatu mai ito ratou mill aro kite kaha o Pita Moko kite whakahe i nga korero i whakapuakina kite hui aTe Arawa ete kai-whakahaere a Ratana. I rongo tonu ratou ki ana korero ite hui Kirihimete i Ratana, a i tuaruatia ana korero, kite hui i Hiruharama. I kiia ko nga Maori kaore e haina i te kawenata, ka rarua ratou atewa e tae mai ai te Tiapani kite wawao i nga mate ote iwi Maori.

Kei te whakaatu nga tangata na ratou taua reta i haina, kei te pera hoki to ratou piri pono ki to tatou Kingi mete piri pono o Te Arawa. Kanui te pouri o nga Maori o Whanganui mo te kotititanga o nga mahi a Ratana ki enei tu huarahi. He tokomaha tonu nga tangata e am nei i a Ratana e tino whakahe ana ki enei whakahaere ana.”