"TE MAORI."
HE PUKAPUKA NA TE PEEHI (ELSDON BEST). KA ngaro te tangata, ka mania te whenua, kei te whakangaro hoki nga korero. Mei kore nga kaumatua pakeha penei i a Te Peehi, i a Te Mete (S. Percy Smith), i a Te Wiremu (Mita Renata) raua ko te tamaiti ko Hapata, hei kohikohi i nga maramara, hei tuhonohono haere kia takoto hei tahu korero, i kiia ai he korero ano a te Iwi Maori i mahue ake ki te ao. Kua taia ete Poari Whakapapa i runga ite tono a te Polynesian Society te pukapuka a Te Peehi, e huaina nei ko 44 Te Maori.” E rua nga wahi o tenei pukapuka. ko te wahi tuatahi kua oti, a kei te panuitia i naianei kia rongo nga tangata e hiahia ana kia whiwhi i etahi kape. Ko te utu mo te wahi tuatahi e 7/6, ka tapiri mai te panekingi 1/-, ka hui ai e 8/6. Ko nga tangata e hiahia ana me tuhi mai kia H. H. Tombs, 22 Wingfield Street, Wellington, ka tuku mai ai i te moni e 8/6. He taonga te pukapuka nei kei te haoa mai e etahi atu wahi o te ao. Inakoa kua tae mai te tono a tetahi Kamupene o Ranana, Ingarangi, kia 520 nga kape mana. He tika he reo pakeha, engari kua tokomaha hoki o te Iwi Maori kua mohio ki tena reo. Ko nga moni e hua mai o tenei pukapuka ka hoatu ki te Polynesian Society, hei whakatipu i tetahi tahua hei perehi i etahi atu pukapuka a ona tohunga, a nga tau e I.eke rho nei. E hoa ma, kaua e waiho ma te pakeha anake e hoko te pukapuka a Te Peehi.
He mea Panui e Rev. F. A. Bennett, he mea ta e Cliff Press, Queen Street, Hastings, H.B.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19240901.2.2
Bibliographic details
Ngā taipitopito pukapuka
Toa Takitini, Issue 37, 1 September 1924, Page 97
Word count
Tapeke kupu
305"TE MAORI." Toa Takitini, Issue 37, 1 September 1924, Page 97
Using this item
Te whakamahi i tēnei tūemi
See our copyright guide for information on how you may use this title.
Log in