HE MIHI KIA TE ARAWA ME TE KAWANATANGA.
E te Etita. TENEI te ngakau kei te whakamihi iho ki nga mahi a Te Arawa, ara, kite marama ota ratau wawahanga ita ratau moni; i pehia nei nga hiahia o ia tangata o ia wahine, a whakatahuatia ana te moni mo nga mahi nunui a te iwi. Ko wai ka hua, ko wai ka tohu, apopo o Te Arawa tamariki noho ana i nga kareti nunui o Ingarangi.. Ma te tae hoki o tatau tamariki ki nga taumata teitei o te pakeha e kore ai tatau katoa e hei kai-wetewete i nga hu o te pakeha—pakeha, kahore nei ona whakapapa. Kia ora ra, eTe Arawa! Ko te tuarua o aku mihi ki to tatau Kawanatanga. Na tenei Kawanatanga i whakamana nga inoi a te Iwi Maori mo nga moana o Te Arawa, mo nga whenua i riro pohehe noa i nga kawanatanga o mua, ara, a Patutahi a Aorangi, a Puketitiri, nga whenua o Ngai-Tahu me era atu whenua. I whakaarangarangatiu ano enei take i era atu kawanatanga otira he aha te aha. Taka rawa hei te Kawanatanga o Te Koti na ka tirohia mai, ahakoa nga taumahatanga nunui o te Kawanatanga. To te rangatira tona tu. Te kitenga ano i te he heoi me rongoa kaore he whakawareware, kaore he taihoa. E nga iwi, me tango ra o tatau potae kia Te Koti, ki to tatau matua. Ma te Atua ia e atawhai! Kaati ake. —Na R.T.K.
Permanent link to this item
Hononga pūmau ki tēnei tūemi
https://paperspast.natlib.govt.nz/periodicals/TOATAK19240801.2.12
Bibliographic details
Ngā taipitopito pukapuka
Toa Takitini, Issue 36, 1 August 1924, Page 91
Word count
Tapeke kupu
247HE MIHI KIA TE ARAWA ME TE KAWANATANGA. Toa Takitini, Issue 36, 1 August 1924, Page 91
Using this item
Te whakamahi i tēnei tūemi
See our copyright guide for information on how you may use this title.
Log in