HE MIHI KIA TE ARAWA.

Toa Takitini, Issue 36, 1 August 1924, Page 89

HE MIHI KIA TE ARAWA.

(Na T. Wi Repo, M.8., Ch.B,) Heoi, e aku teina, ko nga mea e pono ana, ko nga mea e whakaaroa ana, ko nga mea e tika ana, ko nga mea e kino kore ana, ko nga mea e ataaHua ana, ko nga mea e korerotia pai-tia ana; kite mea he pai, kite mea he whakamoemiti; whakaaroa enei mea.” Piripai 4, 8. HE kitenga nooku i nga panui o nga whakahaere a Te Arawa mo nga moni o o ratou Roto i roto i Te Toa Takitini i puta mai ai te whakaaro, me mihi te mea e tika ana kia mihia. Kaare hoki i tika kia titaha te whakaaro, a, ka tiro hura atu, kaare e mihi. He taonga nui kei roto i te ringaringa o tena o tatau iwi. Kei te whakapau o ratou kaiwhakahaere i o ratou hinengaro kite rapu ite huarahi tika hei whakamahinga i taua taonga. Na nga panui e puta nei ia marama ia marama i whakaatu ki nga iwi o waho te whanui o te titiro a te Komiti Topu, ara, te Poari o Te Arawa. E miharo ana tooku ngakau mo te kaupapa ate Poari. E tika ana kia mihia ia wahanga, ia wahanga i raro ite Poari. Otira taku tino miharo nui, me taku mihi, mo te wahanga raoni i wehea ete Poari mo nga mahi ote matauranga. Ihiihi katoa taku tinana i taku kitenga i tenei wahanga kaupapa a Te Arawa. Ko te take i penei ai au, he rite mai ki nga wawata o tooku ngakau mo taua taonga ano a Te Arawa i te pakutanga o te rongo he marie kua pa ki tera o tatau iwi. E tika ana kia hari te hamama, kia tangi te umere, mo tenei mahara tino whanui o Te Arawa. He tauira tino pai tenei kua whanau kei waenganui ia tatau i te Maori. Ko te rau tau tenei i whakaaria e nga Kaumatua o te iwi, ara, ko te 44 ao hou.” Kei a tatau e mohio ana tona tikanga to tena kupu. Ko tetahi o nga ahua o te 44 Ao Hou,” ko te whaiti haere ote nohoanga mo ia tangata, mete mutu ote haere kahui; engari ka tipu ko te kuhu takitahi. I tenei ra, i te wa o te 44 Ao Hou ” nei, kaore e tawaritia ana tenei ki: ko te matauranga te whitiki mo te tangata, ka toa ia. Hei aha nga aitua, he aitua kei nga whitiki katoa. Kua hikitia e Te Arawa tenei whakapono. Kua motuhia e ratou i roto i ta ratou taonga he tahua moni ia tau, ia tau hei whakatu karahipi hei kawe i a ratau tamariki ki nga ahua matauranga katoa o te ao; mai o nga kura ririki tae noa ki nga University. Ko au nei, ko tenei 44 peepi ” a te matauranga i whakatipu ai, kei te powhiri i te whakaaro o Te Arawa ka huaki nei ki marae-a-tea. Kitaku mahara e whakaputa ana au i te whakaaro o matau katoa o te hunga whai-taitara o nga University, ia au e mihi nei Kia Te Arawa, ka terete piki ote rarangi ote hunga Maori, kua whiwhi ki nga matauranga o te Ao. Na Te Arawa, i kite te tino mate ote Maori. Taua mate ko te kore marama o te hinengaro: ara ko te Kuware. Na Te Arawa ano i kite te rongoa: ara Te Matauranga.

No reira ki tooku whakaaro, katahi ano' ka kitea te hua whanui o nga whakaakoranga o nga kura i hangaia nei e o tatau kaumatua mihinare mo tatau; ara o Te Aute Kareti, o Tipene, o whea ake, o whea ake. Tenei, te matakitaki nei kite tai-kato ka whakarewa. E te iwi, kaare tenei ngaru e taea te whakahoki. Engari rauawa ia tangata i tona mokihi ka maanu i runga. Hoatu Te Arawa. Parangia te huarahi. Poponunui o te warn, tena te haere na. Kia ora Te Poari o Te Arawa, mai i tona Tumuaki tae noa ki nga mema o rare. Kia ora hoki aTe Arawa iwi. Kei te pupu whaka-hirahira ake i roto i tooku manaVfa nga toto o to koutou tipuna o Tamatekapua. Hoatu, ma muri e whai. Heoi. Te Araroa. T. Wißepa .